به‌ پێى ئاژانسى هه‌واڵى رۆیته‌رز؛ دوێنێ هه‌ینى لێكۆڵه‌ڕه‌وانى نێوده‌وڵه‌تى له‌ كاتى پشكنینى ناوه‌ندێكى لێكۆڵینه‌وه‌ى سه‌ربازى له‌ سوریا؛ كۆمه‌ڵێك چه‌كى كیمیایى به‌ تایبه‌ت گازى ساردین و گازى وى ئیكسیان دۆزییه‌وه‌ كه‌ پێشتر له‌ لایه‌ن حكومه‌تى به‌شار ئه‌سه‌ده‌وه‌ به‌ چاودێرى جیهانى چه‌كى كیمیایى رانه‌گه‌یاندرابووه‌ ؛ كه‌ ئه‌مه‌ ده‌یسه‌لمێنێت كه‌ تاكو ئێستاش له‌ بنكه‌كانى سه‌ربازى سوریا گازى سارین و وى ئیكس بوونى هه‌یه‌ و رژێمى به‌شار ئه‌سه‌د كۆگاكانى چه‌كى كیمیایى خۆى حه‌شارداوه‌.

شایه‌نى باسه‌ له‌ ساڵى دووهه‌زاروسێزده‌؛ ئه‌مه‌ریكا دواى بۆردومان كیمیایى حكومه‌تى سوریا بۆ سه‌ر دانیشوانى غوته‌ به‌ گازى ساردین كه‌ بووه‌ هۆى كوژرانى سه‌دان كه‌س؛ هه‌ڕه‌شه‌ى هێرشى سه‌ربازى بۆ ئه‌و وڵاته‌ى كرد ؛به‌ڵام به‌رپرسانى سوریا ره‌زامه‌ندیان له‌سه‌ر پێشنیازى ئه‌مه‌ریكاو روسیا نواند بۆ چوونه‌ پاڵى ئه‌و وڵاته‌ به‌ رێكخراوى قه‌ده‌غه‌ كردنى بڵاوه‌ پێكردنى چه‌كى كیمیایى و له‌ناوبردنى هه‌موو كۆگاكانى چه‌كى كیمیایى و به‌و هه‌نگاوه‌یان توانیان رێگرى بكه‌ن له‌ ده‌ستێوه‌ردانى سه‌ربازى ویلایه‌ته‌ یه‌كگرتوه‌كانى ئه‌مه‌ریكا.