نوێنه‌رى رێكخراوى نه‌ته‌وه‌یه‌كگرتوه‌كان تایبه‌ت به‌ كاروبارى سوریا؛رایگه‌یاند: كه‌ به‌ ئامانجى كۆتایى هێنانی گرژى و ئاڵۆزى له‌ سوریا؛ مانگى داهاتوو ئۆپۆزسیۆنی سوریا و هه‌روه‌ها وڵاتانى ناوچه‌كه‌ به‌ تایبه‌ت ئێران؛ به‌یه‌كه‌وه‌ دیدارو چاوپێكه‌وتن ئه‌نجام ده‌ده‌ن.

ستیڤان دیمستورا جه‌ختى له‌سه‌ر ئه‌وه‌ كرده‌وه‌ كه‌ رێكخراوى نه‌ته‌وه‌یه‌كگرتوه‌كان له‌ هه‌وڵدایه‌ كه‌ رێگاچاره‌یه‌كى دیپلۆماسى به‌ مه‌به‌ستى كۆتایى هێنان به‌ شه‌ڕوپێكدادانه‌كانى سوریا بدۆزێته‌وه‌.

هه‌روه‌ها ریگه‌یاند: كه‌ ئێمه‌ له‌ مانگى داهاتوودا دیدار و چاوپێكه‌تنه‌كانمان یه‌ك به‌ دواى یه‌ك به‌ڕێوه‌ده‌به‌ین. شایه‌نى باسه‌ له‌ ده‌ستپێكى شه‌ڕوپێكدادانه‌كانى سوریا تاكو ئێستا نزیكه‌ى دوو سه‌د و بیست هه‌زار كه‌س كوژراون و حه‌وت ملیۆن كه‌سیش ئاواره‌ بوون.