سه‌رۆكی كوبا رائول كاسترۆ و سه‌رۆكی ئه‌مریكا باراك ئۆباما له‌ لوتكه‌ی وڵاتانی هه‌ردوو كیشوه‌ری ئه‌مه‌ریكا كه‌ له‌ په‌ناما به‌رێوه‌ده‌چێت، ساز كرد. كاسترۆ و ئۆباما له‌ ژوورێكی بچووكی كۆنگره‌كه‌ به‌یه‌كه‌وه‌ كۆبوونه‌وه‌ و له‌ لێدوانێكی بۆ رۆژنامه‌نووسان ئۆباما دیداره‌كه‌ی به‌ مێژوویی وه‌سفكرد. ئۆباما رایگه‌یاند كه‌ له‌ نێوان كوبا و ئه‌مریكا رابردوویه‌كی تێكه‌ڵ هه‌یه‌، به‌ڵام دوای په‌نجا ساڵ به‌ھۆی ئه‌و سیاسه‌ته‌ی به‌كار نه‌هاتووه‌ سه‌رده‌مێكی نوێ له‌ نێوان وڵاته‌كه‌یان ده‌ست پێده‌كات، ئێستا ده‌توانین بۆ رێگایه‌كی نوێ بكه‌وینه‌ رێ.

ئۆباما گوتی: زۆرێك له‌ خه‌ڵكی ئه‌مریكا و كوبا خوازیارن سیاسه‌تی واشنتۆن به‌رامبه‌ر به‌ر هاڤانا بگۆڕدرێت، به‌دڵنیاییه‌وه‌ له‌نێوان كوبا و ئه‌مریكا بیرورای جیاواز هه‌یه‌، ئه‌مریكا به‌رده‌وام ده‌بێت له‌ ناڕه‌زایی له‌باره‌ی پێشێلكاریه‌كانی مافی مرۆڤ له‌ كوبا، هه‌روه‌ها كوباش ناڕه‌زایی و نیگه‌رانی به‌رامبه‌ر به‌ سیاسه‌تی ئه‌مریكا ده‌بێت، بوار بۆ كردنه‌وه‌ی لاپه‌ره‌یه‌كی نوێ بۆ په‌یوه‌ندییه‌كانمان هه‌یه‌.

له‌باره‌ی په‌یوه‌ندییه‌كانی له‌گه‌ڵ ئه‌مریكا رائول كاسترۆ پشتیوانی بۆ گوته‌كانی باراك ئۆباما ده‌ربڕی و گوتی: ده‌كرێت جیاوازی بیرمان هه‌بێت و له‌ چوارچێوه‌ی رێز ئه‌مه‌ش به‌هه‌مه‌لایه‌نانه‌ تاوتوێ له‌سه‌ر ده‌كرێت، ئه‌مڕۆ پرسێك له‌سه‌ری رێكنه‌كه‌وین ئه‌گه‌ری ئه‌وه‌ هه‌یه‌ كه‌ سبه‌ی رێكبكه‌وین، به‌ڵام ده‌بێت ئه‌ندامانی كۆنگره‌ گوێڕایه‌ڵی سه‌رۆكه‌كانیان بن.