پوتین داوا لە سوپای وڵاتەکەی دەکات ئامادەبن بۆ شەڕ
بەپێی زانیارییەکان، بە فەرمانی ڤلادیمێر پوتین، سەرۆک کۆماری رووسیای فیدراڵ، هێزەکانی سوپای رووسیا لەسەر سنووری رووسیا- ئۆکراینا زیادکراون.
ئەم داوایەی پوتین دوای ئەوە هات، کە پێتڕۆ پڕۆشێنکۆ، سەرۆکی نوێی ئۆکراینا، ئاگربەستێکی یەک هەفتەیی راگەیاند و مۆڵەتی بە چەکدارە جوداخوازەکانی رۆژهەڵاتی ئۆکراینا دا، کە لە حکومەتی رووسیا نزیکن و باس لەوە دەکرێ، لەلایەن ئەو وڵاتەوە پشتیوانی دەکرێن، بۆ ئەوەی چەکەکانیان دابنێن.
حکومەتی رووسیا ئەم مۆڵەتەی ئۆکراینای بە هەڕەشە وەسفکرد و رایگەیاند، ئەم هەنگاوەی حکومەتی ئۆکراینا بانگەواز نییە بۆ ئاشتی.
رۆژی هەینی 21.6.2014 کۆشکی سەرۆکایەتی رووسیا رایگەیاند، کە دەبێ ئۆکراینا "روونکردوە و داوای لێبووردن" بکات، سەبارەت بە برینداربوونی بەرپرسێکی سەربازی رووسی لەسەر سنووری رووسیا- ئۆکرینا، بەڵام ئۆکراینا ئەم تۆمەتەی رووسیای رەتکردەوە و رایگەیاند، ئەو بەرپرسە بە ئاگری چەکدارە جوداخوازەکان "چەتە" برینداربووە.
رووداو