به‌گوێره‌ى ئاژانسى ده‌نگوباسى فه‌رمى لیبیا، ئه‌حمه‌د معێتیق سه‌رۆك وه‌زیرانى نوێى ئه‌و وڵاته‌ دواى وه‌رگرتنى پۆسته‌كه‌ى له‌ دوو رۆژى رابردوو، له‌لایه‌ن ژماره‌یه‌ك چه‌كدارى توندڕه‌وه‌وه‌ هێرشى كرایه‌ سه‌ر به‌ڵام هیچ زیانی به‌ معێتیق نه‌گه‌یشتووه‌.

وه‌ك ئاژانسه‌كه‌ له‌ سه‌رچاوه‌یه‌كى ئه‌منى گواستووه‌ته‌وه‌، ژماره‌یه‌ك چه‌كدارى توندڕه‌و له‌ ته‌رابلووسى پایته‌ختى ئه‌و وڵاته‌ هێرشیان كرده‌ سه‌ر ماڵى ئه‌حمه‌د معێتیق سه‌رۆك وه‌زیرانى نوێ و دواتر شه‌ڕ و پێكدادان له‌ نێوان پاسه‌وانه‌كانى معێتیق روویدا و له‌ ئاكامدا چوار پۆلیس كوژران و دوو له‌ چه‌كداره‌كانیش برینداربوون. به‌پێێ زانیارییه‌كانى ئاژانسه‌كه‌، معێتیق و خێزانه‌كه‌ى له‌و هێرشه‌ هیچ زیانى گیانیان پێ نه‌گه‌یشتووه‌.