خۆپیشاندانی دژی تەزكەرەی سوپا لە شاری ئیزمیر
لەمبارەیەوە ماڵپەڕی دیاربەكر خەبەر بڵاویكردەوە كە رۆژی یەكشەممە لە شاری ئیزمیر ژمارەیەك زۆر لە رێكخراوەكانی كۆمەڵگەی مەدەنی، پارتی دیموكراتیكی گەلان، بەدەپە سەندیكای كرێكار و كارمەندانی توركیا، ئەسەپە، سەدەپە، ئەمەپە و ناوەندی مافی مرۆڤی توركیا لە ژێر درۆشمی \"ئێمە شەڕمان نایەوێت\"" دەستیان بە خۆپیشاندانێك بۆ ئیدانەكردنی تەزكەرە كرد.
لەو خۆپیشاندانانەدا رێكخراوە مەدەنی و پارتە سیاسییەكان ئاماژەیان بەوە كردووە كە ئەو تەزكەرەیە رێگا بۆ تێوەگڵانی توركیا بە شەڕی سوریا خۆش دەكات و زەرەرمەندی یەكەمی ئەو شەڕەش خەڵكی توركیا دەبێت، بۆیە بۆ پێشگرتن لە تێوەگڵانی توركیا بەو شەڕە دەستیان بەم خۆپیشاندانە كردووە.
خۆپیشاندەران رەخنەی توندیشیان ئاراستەی پەرلەمانی توركیا كرد و رایانگەیاند كە دەبێت، پەرلەمان بڕیار بۆ ئاشتی و چارەسەری سیاسیانەی كێشەكان بدات و رێگە بۆ شەڕ خۆش نەكات."