سه‌رۆكی ئیخوان موسلیمین ده‌ستگیر كرا
به‌پێی راپۆرتێكی ته‌له‌ڤزیۆنی حكوومه‌تی میسر، محه‌مه‌د به‌دیع، سه‌رۆكی رێكخراوی ئیسلامیی ئیخوان موسلیمینی میسر، له شوقه‌یه‌ك له قاهیره‌ی پایته‌ختی میسر، ده‌ستگیر كراوه.
محه‌مه‌د به‌دیع، له یه‌كه‌م رۆژی هه‌ینیی دوای رووخانی حكوومه‌ته‌كه‌ی محه‌مه‌د مورسی، به تۆمه‌تی هه‌ڵخڕاندنی خه‌ڵك بۆ توندوتیژی و ئاژاوه، فه‌رمانی گرتنی ده‌رچوو.
سه‌رۆكی ئیخوان دوای ده‌رچوونی فه‌رمانی گرتنه‌كه‌ی، خۆی حه‌شار دا و له ماوه‌ی یه‌ك مانگی رابردوودا، چه‌ند جار هاته ناو خۆپیشاندانی ئه‌ندامانی ئیخوان و بۆ به‌رده‌وامبوون هانی ده‌دان.
