محه‌مه‌د مورسی سه‌رۆكى میسر دووباره‌ دواى سازكردنى وتوێژى ئاشتى بۆ چاره‌سه‌ركردنى گرژى و ئاڵۆزیی ناوخۆى ئه‌و وڵاته‌ له‌گه‌ڵ لایه‌نه‌كانى ئۆپۆزسیۆن كرد، ئه‌م داوایه‌ى مورسى دواى ئه‌و داوایه‌ى محه‌مه‌د به‌رادعى سه‌رۆكى پارتى ده‌ستوورى ئۆپۆزسیۆن دێت كه‌ داواى له‌ مورسى كرد ده‌ست له‌ كار بكشێنێته‌وه‌.

مورسى ده‌ستى ئاشتى ئاراسته‌ى هه‌موو لایه‌كى ئۆپۆزسیۆنى میسر كرد و رایگه‌یاند: پێویسته‌ هه‌ر له‌ رێگاى سازكردنى وتوێژى ئاشتییه‌وه‌ گرژى و ئاڵۆزى ناوخۆى سیاسى میسر چاره‌سه‌ر بكرێت و دووپاتیشى كرده‌وه‌، كه‌ له‌ هه‌وڵه‌كانى له‌گه‌ڵ لایه‌نه‌كانى ئۆپۆزسیۆن بۆ ئه‌نجامدانى هه‌ڵبژاردنى پێشوه‌خته‌ و به‌ په‌له‌ به‌رده‌م ده‌بێت.