26ی‌ كانوونی‌ دووه‌م/ یه‌نایه‌ر (گوڵان میدیا)- رێكخراوی‌ نه‌ته‌وه‌ یه‌كگرتووه‌كان، سه‌باره‌ت به‌ كوژرانی‌ هاووڵاتیانی‌ سڤیل، له‌ ئه‌نجامی‌ هێرشی‌ فڕۆكه‌ بێ‌فڕۆكه‌وانه‌كانی‌ وڵاتان ده‌كات له‌و ناوچانه‌ی‌ ئۆپه‌راسیۆنیان تێدا به‌ڕێوه‌چووه‌.

گرووپێكی‌ لێكۆڵینه‌وه‌ به‌ سه‌رۆكایه‌تیی‌ چاودێری‌ تایبه‌تی‌ نه‌ته‌وه‌یه‌كگرتووه‌كان، بێن ئێمیرسۆن، لێكۆڵینه‌وه‌ سه‌باره‌ت به‌ 25 هێرشی‌ فڕۆكه‌ بێ‌فڕۆكه‌وانه‌كانی‌ ئه‌مه‌ریكا و وڵاتانی‌ دیكه‌ ده‌كات.
ئێمیرسۆن له‌ لێدوانێكی‌ رۆژنامه‌وانیدا له‌مباره‌یه‌وه‌ ته‌ئكیدی‌ كرده‌وه‌، به‌پێی‌ یاسا مرۆڤ دۆستانه‌كان، لێكۆڵینه‌وه‌ سه‌باره‌ت به‌ كوشتنی‌ نایاسایی‌ خه‌ڵك، ئه‌ركه‌ و گرووپه‌كه‌ راپۆرتی‌ خۆی‌ له‌ كۆبوونه‌وه‌ی‌ ساڵانه‌ی‌ نه‌ته‌وه‌ یه‌كگرتووه‌كاندا پێشكه‌ش ده‌كات.
هه‌روه‌ها له‌مباره‌یه‌وه‌ رایگه‌یاند لێكۆڵینه‌وه‌كه‌ ته‌نیا ئه‌مه‌ریكا ناگرێته‌وه‌، به‌ڵكوو 51 وڵاتی‌ دیكه‌ش له‌خۆ ده‌گرێت كه‌ له‌و جۆره‌ فڕۆكانه‌ به‌كار ده‌هێنن و ئۆپه‌راسیۆنی‌ سه‌ربازیی‌ پێده‌كه‌ن.