وەزیری ناوخۆی توركیا: شەڕ دژی پەكەكە بەردەوام دەبێت
بەپێی راپۆرتێكی ئاژانسی دەنگوباسی AP، ئیدریس نەعیم شاهینی وەزیری ناوخۆی توركیا، رایگەیاند: وڵاتەكەی هیچ نیازێكی بۆ راگرتنی ئەو شەڕە نییە و لەوبارەیەوە دەڵێ: \"ئۆپەراسیۆنەكان درێژەیان هەیە و بەردەوامیشە هەتا ئەوكاتەی ئەندامانی ئەو گروپە لە پێگەیەكدا دەبن كە ناتوانن هێرش بكەنە سەر خەڵكەكەمان و خوێنبڕژن\"".
هەفتەی رابردوو ئاڵچین ئاكدۆغانی راوێژكاری ئەردۆغانی سەرۆك وەزیرانی توركیا، رایگەیاند:\"" ئەنکارە بەنیازە قسە لەگەڵ عەبدوڵڵا ئۆجەلاندا بكات و یەكەم قۆناغی ئەو كۆبوونەوانەش دەستی پێكردووە\"".
بەڵام راوێژكاری ناوبراو لە گۆشەی هەفتانەی خۆی لە رۆژنامەی ستاری توركی، رایگەیاند، راگرتنی شەرش دژی پەكەكە، نابێت تێكەڵاوی ئەو گفتوگۆیە بكرێت و ئاكدۆغان دەڵێ \""سیاسەتی ئەمنی دەبێ بە فاكتەرێكی جیاواز بمێنێتەوە\""."