komarî îslamîyi êran zor baş geyşitote ew qena'eteyi ke derçûneweyi tiremp bo maweyi çwar sallî dahatû, eme manayi eweye debêt êran be hemû mercekanî îdareyi emirîkî razî bêt û, rojhellatî nawerrast bo îsirrayl û dewlletanî 'erebî hawpeymanî îsirrayl çoll bikat, emeş raşkawane ew manayeyi heye ke debêt êran dest le druşmî henardekrdinî şorş bo derewe hellbigirêt, em ḧallete bo ew binemayaneyi şorrşî îslamî leser bunyad nrawe, wate kotayîhatinî şorrşî îslamî, boye le maweyi em mangeyi ke bo hellbijardinekanî november mawe, eger şkstêkî hawşêweyi şkstî vêtinam beser tiremp nehênêt, ewa hîç hêzêk nîye şemendeferrî serokayetîyi tiremp bo carî duwem bo koşkî spî rabigirêt
hemû layek dezanin ke têçuwî şerrî 'êraq lelayen emirîkawe be sê tirliyon dolar meznde krawew her, leser em binemayeş nawî lê nrawe «şerrî sê tirliyon dolar», eme bêcge leweyi ziyatir le pênc hezar serbazî emirîkî kujrawn û be deyan hezayi dîkeş brîndar bûn, boye dagîrkrdinî balliyozxaneyi emirîka le beẍda û be barmtegirtinî dîplomat û karmendekaniyan, debête şkstêkî hawşêweyi vêtinam bo tiremp, herwek dagîrkrdinî balliyozxaneyi emirîka le taran le dwayi serkewtinî komarî îslamî le 1979 buwe ew şkste gewreye bo cêmî karter, ke hêşita îmzayi rêkkewtinî kamp dîvîd wşk nebûbuwe. herboye grewî êran leser eweye pêş eweyi îmzakanî ser rêkkewtinî îbrahîm wşk bibinewe, şkstêk be ser tiremp bihênêt ke dûbare koşkî spî nebînêtewe.
bepêyi lêdwanî serkrdeyi ew mîlîşiyayaneyi ḧeşdî şe'bî ke le şaşeyi telefziyone 'êraqîyekanewe pşitgîrî le (mqawemet bo derkrdinî hêzekanî emirîka) deken, telarî balliyozxaneyi emirîka, balliyozxane nîye, bellku şwênêke bo casûsî û drustkrdinî fîtine le 'êraqda, lemeş ziyatir bangeşekaniyan handane bo eweyi le tewawî binike serbazîyekanî emirîka bidrêt, le her şwênêkî 'êraqda bêt, emeşiyan krde krdeyî, wek bînîman le kotayî hefteyi rabrdû be amancî bordmanikrdinî binike serbazîyekanî emirîka çend rokêtêkî katiyoşayan be hewlêrewe na.
leberamberda mayk pênis cêgrî serokî emirîka le wtarekeyi hefteyi rabrduwîda le wîlayetî vêrcîna, zor raşkawane amajeyi bewe krd ke hellbijardinî emcare giring û bê wêneye le mêjuwî emirîkada, milmilanêkeş le nêwan herdû partî (komarî û dîmukratî)da nîye, bellku milmilanêke leser eweye (aya emirîka her be gewreyî bmênêtewe, yan dûbare bo dwawe bigerrêtewe?) boye be hîç şêweyek bwarî eweyi tiya nîye ke bo çwar sallî dîke tiremp serokî emirîka nebêt.
eger serinc lem wtaneyi pênis bideyin, diyare «tiremp wteyi zor zbrtirî heye û, herreşeyi ewe dekat akamî hellbijardineke qbûll nekat», debînîn boçûnêkî wa lenaw partî komarîda drust buwe, heta eger kar geyşite eweyi destûrî emirîkî bixirête jêr pêwe, ewa natwanin destiberdarî ewe bin, proseyi aşitîyaneyi desellat emcareyan cêbecê biken. emeş kotayîhênan debêt bew emirîkayeyi wek (komarêkî azad) şanazîyan pêwe dekrd, nanisî bilusî gutenî «êsta nazanrêt eme emirîkaye, yan şanşînî 'erebstanî s'udiye».
lenaw kontêksda le beyinî dû kewaneda, eger îdareyi êstayi tiremp leser maneweyi xoyan le koşkî spî, amade bin komarêkî azad bikene 'erebstanî s'udî, ewa debêt mezndeyi ewe bikeyin, eger komarî îslamî biyewêt kartî komarîyekan bo hellbijardinî emcareyi serokayetîyi emirîka lenaw 'êraqewe bsûtênêt, aya debêt ast û qebareyi berperçdanewekan, nek teniya bo komarî îslamîyi êran, bellku debêt bo ḧkumetî êstayi 'êraqîş çon bin? wellamî em prsiyareş eweye nabêt le berperçdanewekeyi kanûnî duwemî 2020 kemtir bêt.