لە سلێمانی فیلمی دیكۆمێنتاری(خازر)نمایش كرا
دوای یەكەم نمایشی لە 14ی ئابی ئەمساڵ لە سینەما ئیمپایەر,ئەمڕۆ یەكشەممە ڕێكەوتی 24/11/2024 بەڵگە فیلمی كوردی (خازر) نمایش كرا كە هونەرمەند (نزار مامە) كاری دەرهێنانی ئەنجامداوە و (محەمەد مەرزانی)كاری مۆنتاژی بۆ فیلمەكە كردووە.
بە ئامادەبوونی ژمارەیەك لە هونەرمەندانی بواری فیلم و سینەما و هونەردۆستان لە سینەما “سالم” لە شاری سلێمانی,ڕێكخراوی كوردستان دیالۆگ بە هاوبەشی لەگەڵ بەڕێوەبەرایەتی سینەمای هەولێر لە بۆنەیەكی تایبەتدا دووەم نمایشی فیلمی دیكۆمێنتاری “خازر”ی سازكرد.
ڕووداوەكانی ئەم فیلمە لە ڕاستەقینە وەرگیراوەو فیلمێكی دیكیۆمێنتارییە,فیلمی (خازر) باس لە ڕووداوەكانی میحوەری خازر دەكات لە كاتی ڕووبەڕووبوونەوە و سەركەوتنی هێزەكانی پێشمەرگە و شكاندنی هێزە چەكدارەكانی داعش.
گوڵان-ئاسۆ كاكەیی
