ئەگەر ئەم خاندنەکێ بکەین بۆ ڕێزگرتنێ کو ئێک ژ سالو خەتێن مرۆڤایەتی و مرۆڤبوون ژی دڤێت ھندەک بنەما و ساخلەتێن ھەژی ڕێزگرتنێ ھەبن، لێ یا مە دڤێت پتر تیشک بێخینە سەر ڕێزگرتنا دەیبابان ئەوە کو دڤێت مرۆڤ ل گورەی وان ئاموژگاری و وان ڕیێن ھەی و بەحس بکەن بۆ زارۆکان دڤێت وان داب و نەریتێن خێزانی نەشکێنیت و ھەردەم ژی پێگیر بیت، خودایێ مەزن دبێژیت :(وبالوالدین احسانا).
ڕامانا ڤێ یەکی ئەوە کو دڤێت ئەم ھەردەم دگەل دەیبابێن خوە(جاکە کار بن و گوێ ڕایەل بین)، نەک دگەل وان ھەڤدژ بین و ئەو ھەر تشتێ بۆ مە بەحس بکەن ئەوا ئەم تنێ گوھدار بین نەک جێبەجێکار بین.
لێ گرنگییا وێ ژی د کەرتێ پەروەردێ دا ئەوە کو ڤێت زێدەتر ئەڤ کەرتە تیشک بێخیتە سەر هندێ کو ڕێز ل دەیبابان بهێتە گرتن، کەواتە فێر بوون ئەوا ئەڤ زارۆکە مەزن بیت ژی دێ فێری هندی بیت کو ل دەرێ ژی ژبلی ڕێزگرتنا مال و خیزانێ دێ ل خەلکی ژی گرن و دیسا ژی ئەو دبیتە ئەرگەرێ هندێ کو ڕێزی ل هەمی تشتەکێ بگڕن.
ئەو دڤێت ھەردەم گوھدارێن دەیبان بن و بەردەوام ل دۆڤ وان گۆتن و ئاخڤتنێن وان ب گرنگ وەربگرین نەک ل دۆڤ سەرێ خوە بچین، ئەو ھەردەما ئەم ڕێز و دوڤ وان بنەما و پێنگاڤێن ئەو ڕۆژانە بۆ مە دەنە دیارە کرن، چ بۆ کارێن مە یێن ڕۆژانە بیت یان ژی بۆ تێکەلی دگەل ھەڤال و جادەیان ژی گرنک ئەوە کو ئەوا دڤێت ئەم بجھبینن و نابیت دوویر بکەڤین ژی ل وان ساخلەتێن وان. ئەڤە دڤێت زێدەتر وێ وانا خاندنێ گرنگی بهێتە دان.
دیسا ژی پێغەمبەرێ مە(سلاڤێن خودێ لسەر بن) گۆتیە و بەحس ل ڕولێ دەیبابان کریە و چەو ا قورئانێ دا ژی زۆر ب وردی و گرنگی دایە ڕول و گوھدارییا وان وەسا دڤێت ئەم ژی ل سەر وان پرسگەرێن ئەو بۆ مە ددەنە دیارەکرن، دڤێت ئەم وان خالان ب بەرچاڤ وەربگرین و زۆر ب گرنگی ژی دوڤ بچین، ئەوا پێغەمبەری فەرمووی:(لیس منا من لم یوقر کبیرنا ویرحم ێغیرنا).
ڕامانا ڤێ ئەوە کو ئەگەر(رێز ل مەزنا نەھێتە گرتن و دلوڤانیێ ژی ب یێن بچووک دا نەگریت ئەوا ل مە نینە). ئەڤە ڕامانا ھندێ ددەت کو دڤێت بەردەوام ل ڤێ ژیانا ھندا کورت دا کو ژیێ خۆ دا دڤێت بەردەوام ئەم سنوورێن خوە بزان و ڕێزگرتن ژی یا گرنگە زۆر و دڤێت ڕێز ھەبیت بۆ ھەڤدو و نابیت بێ ڕێزیا دگەل ئێک بکەین.
بۆچێ؟ زۆر جاران دبێژن مال ژی قوتابخانەیە کەواتە دڤێت مال ژی ڕۆل هەبیت بۆ هندێ دا ئەڤا ل قوتابخانێ هەی ئەو ژی بهێنە بەرچاڤکرن.
ئەوا دڤێت ڕێز ل وان ئامۆژکاریان بگرین یێن دەیباب یان کەسەکێ مەزنتر ژمە ددەت دیارەکرن و ئەو ڕاستییەکێ نیشامە ددەن د ژیانێ دا و دڤێت مە ئاگەھ ژ خوە ھەبیت بۆ پتر بۆراندنا ژیانەکا ئارامتر.
ڕێزگرتن پێدڤییەکا زۆرا گرنگە و ھەستەکێ جوانە، بھایەکێ ڕەوشت و ڕەفتارێن پەروەردە و شارستانیەتەکا گرنگ و بەرز، ئێکە ژ ساخلەتێن جوان و نایابێن مرۆڤی، دیسا ژی ئێکە ژ بنەمایێن سەرەکی و سەرکەفتی، کلیلا تەباھیی و پێکڤە ژیانێ و ڤییانێ و بەختەوەریێ یە.
ڕێزگرتن و ڕێزنەگرتن ژی چەندین شێواز و بنەمایێن سەرەکی ھەنە و دڤێت ھەر حال دەیباب ژی ڕێزی ل زارۆکێن خو بگرن.
لێ ئەگەر ھاتوو ڕێز ل وانا نەھاتنە گرتن ئەوا ئەڤە ژی(ئەوا ل وی دەمی دا ئەو زارۆک ژی وەک کەسەک پشگوھـ ئێخستن دھێـە دیتن و دیسا ژی وەک کەسەک ترسناک دھێتە قەلەم دان و ھەردەما ڕێز ل وی نەھاتنە گرتن ئەوا ھزر ھندی داکەت کو تولا خوە بکەتەڤە و ل کەسەکی کو دلی وی یێ توند و تورە.
ھەردەما ڕێزگرتن نەبیت ل زارۆکی یان کەسەکێ ئەوا ل وی دەمیدا ئەو ھەست و سۆز نامینیت و ھزر دکارێن خرابتر کەتن.