لە دوينێوە ئەوندە خەفەتبار بووم بەو کارەساتی ئاگر کەوتنەوەی بازاڕی قەیسەریی هەولێری جوان و دێرین ، مەگەر ماڵی خۆم سووتابووایە ئەوەندە خەفەتم نەدەخوارد ، لە دوێنێوە هیچ نەمتوانی سەیری دیمەنەکانی ئاگر کەوتنەوە و سووتانی ماڵ و موڵکی کاسبکاران و ئەوانەی بە چەندین ساڵە کاریان کردووە بە چرکەیەک بە بەر چاویان لە ناوچوون ، دیمەنە ناخهەژێنەکان فرمێسکی ئەو گەنجە خێر لە خۆ نەدیوانە زیاتر دڵتەنگی کردین ، بە داخم بۆیان .
ئەوەی ڕاستی بێت ئەو ئاگر کەوتنەوە یەک لە دوای یەکەکانی ئەم ساڵ لە پایتەختی هەولێری دێرین ڕوویان دا بە تایبەت ئاگرەکەی دوێنێی بازاڕی قەیسەری کە بووە هۆی سووتانی 226 دوکان و برینداربوونی 132 کەس زەنگێکی خەتەر ناک و پەیامێکی روونە بۆ ئەوەی باشتر بزانین کە بە ئاشکرا دوژمنان و ناحەزانمان، تەنانەت خۆفرۆشان چەندە رقیان لە پێشکەوتن و جوانییەکانی قەیسەری هەولێر و ئەو گەشەپێدان و بوژانەوە و ئەو خۆڕاگرییەی دانیشتووان و خەلکی هەولێر بە ئاشکەرا روون و دیارە، کە دەستێکی ڕەشی داخ لە دل دەیانەوێ هەر جارەو ماڵ و حاڵ کەسابەتی خەلکانێک لە ناو ببەن، تاوەکو خەلک ئاسوودە نەژیت و زەرەر و زیان بە هاوڵاتییانی سڤیل و بگرە ئاسایشی نەتەوەییش تێک بدەن ، ئەم ئاگر کەوتنەوانە یا راستر بلێم ئاگر تێبەردانە کە بۆ جاری چوارەمە لە هەولێر روو دەدات هیچ جیاوازییەکیان نییە لە گەل هێرشە درۆنی و ساروخییەکان کە ئاراستەی هەولێر کران بۆ داڕمانی بناغەو ژێرخانی ئابووری کوردستان، هاوکات بەردەوامیش لە پیلانەکانیان دەست هەڵناگرن ، دلنیام ئاگر کەوتنەکانیش قەزاو قەدەر نەبوون و لەوە دەرچووە بڵێین شۆرتی کارەبایە یا کەمتەرخەمی خاوەنەکانیانە ،
ئێستا کاتی ئەوەیە چاودێری و کامیراکان زیاتر بکرێن ئاسایش و پۆلیسی شارستانی ڕۆلی زیاتریان لە پاراستنی شار هەبێت، بەتایبەت لە چاودێری کردنی ئەو بازاڕ و ئەو شوێنە دێرین و گشتییانە چرتر بکرێن ، یا هەر نەبێت کاتی دیاری کراو بۆ دیاری بکرێت بۆ کرانەوە و داخستنی بازاری قەیسەریی دێرین و هەروەها بازاری لەنگە، دەکرێ چاوی کامیراکان چرتر لە جاران بکرێنەوە بۆ رێگری کردن لەو رووداو و پیلانگێریانە.
هیوادارم حکومەت بە زووترین کات هاوکاری و قەرەبوی زیان لێکەوتوان بکاتەوە دڵنیاشم دەیکات چونکە بە ئامادەبوونی خودی جەنابی رێزدار مەسروور بارزانی سەرۆکی حکومەتی هەرێمی کوردستان ئەمرۆ لە بازاری قەیسەرییە کە گەورەیی نواند جگە لە هاوسۆزی لێقەوماوان و زیان لێکەوتوان بگرە دلنەوایی و ئارامی بوو بۆ زیان لێکەوتوان هەر وەها خەلکی کوردستان..

#سەیران_سەلاح