پشتی کۆ دوهی سەرۆکێ هەرێما کوردستانێ نێچیرڤان بارزانی د سەرەدانەکا فەرمی دا گەهشتە تەهرانێ دگەل بەشەک ژ سەرکردەێن ئێرانی کومبووی ئەڤە وێ چەندێ دگەهین کۆ هەرێما کوردستانێ بەردەوام دگەل ئاشتی و سەقامگرییەکا ئارامە بۆ دەڤەرێ چونکی سەرۆک نێچیرڤان بارزانی خۆدان کارێزما و ب ئەندەزیاریێ ئاشتیێ و هێزا نەرم یا چارەسەریێ دهێتە ناسین ئەڤە ژی وێ چەندێ دگەهێنت کۆ پەیاما نێچیرڤان بارزانی و هەرێما کوردستانێ یا رۆن و ئاشکرایە کۆ بەردەوام دگەل گیانێ پێکڤەژیان و ئاشتیەکا بەردەوامە بۆ دەڤەرێ تایبەت ل ناڤ عێراقێ دا و هەم هەبوونا پەیوەندیێن بهێز و دێرین دگەل هەرێما کوردستانێ و ئیرانی ژلایێ ئالوگۆرکرنا بازرگانی و ئابووری هەبوونا سنورەکێ بەرفرەهـ هەرێما کوردستانێ دگەل ئێرانێ و ئەف سەرەدانە گرنگ دهێتە دیتن چونکی رۆژهەلاتا ناڤەڕاست ب گشتی د قوناغەکا گەلەك هەستیارو مەترسیدایە چونکی هەموو وەلات پێشبێنیا گوهۆرینا بۆ دەڤەرێ دکەن و دیسان کاریگەرترین وەلات تورکیا و ئیرانن چونکە خودان هێزو زلهێزن ل رۆژهەلاتا ناڤەڕاست ئەڤەژی بۆ وی شەرێ ناڤبەرا ئێسرائیل و غەزە حەماسێ دزڤریت و عێراق ژی د مەترسیەك بەرفرەهدایه و دیسان پشتی کۆ سه‌رۆكایه‌تییا هه‌رێما كوردستانێ ناڤه‌ڕۆكا كۆمبوونا سه‌رۆكێ هه‌رێما كورستانێ ل گه‌ل سه‌رۆككۆمارێ ئیرانێ راگه‌هاندی ، هه‌ر دوو ئالییان دوپاتى ل پێدڤییا هه‌ڤكارییا هه‌ڤپشك كریه‌ گرنگترێن خالێن کۆمبوونێ:

۳-هەڤکاریێن ئابووری و بازرگانی .
٤-هەلبژارتنێن هەرێما کوردستانێ .
۳-رەتکرنا هەبوونا مووسادێ ل هەرێمێ .
٤-بجهئێنا رێککەفتنا ئێمناهیێ دناڤبەرا ئێران و ئێراقێ دا .
٥-هاریکارییا ئێرانێ بۆ چارەکرنا قەیرانێن ناڤخۆ یێن هەرێمێ .

دیسان بهێزکرن و دوپاتى ل به‌رده‌ومیدان ب په‌یوه‌ندیێن ئابوورى ل گه‌ل ئیراق و هه‌رێما كوردستانێ ل سه‌ر بنه‌مایێ جیرانییه‌كا باش، به‌رژه‌وه‌ندیێن هه‌ڤپشك، بلندكرنا ئاستێ لێكگوهارتنا بازرگانى و ئابوورى هه‌روه‌سا گرنگیدان باشترکرنا په‌یوه‌ندیێن كه‌ڤن و دیرۆكى
هه‌ر دوو ئالییان دوپاتى ل پێدڤی و گرنگییا به‌رده‌مییا هه‌ماهه‌نگى و هاریكارییا هه‌ڤپشك د ناڤبه‌را كۆمارا ئیسلامى یا ئیرانێ ل گه‌ل ئیراق و هه‌رێما كوردستانێ كر بۆ پاراستنا ئارامى و سه‌قامگێریێ ل ناوچێ
هەرێما کوردستانێ ژی بەشەکە ژ رۆژهەلاتا ناڤین بۆ ڤێ چەندێ ژلایەکێ دپڵوماسی کوردستان پێدڤی ب سیاسەت و ستراتێژییەکا بەرفرەهتر هەیە گرنگیدان و بهێزکرنا پەیوەندێن ناڤخووی و دەرڤە چونکی بەردەوام هەرێما کوردستانێ بەردەوام هێرشێن چەکدارێ بۆ دهێنەکرن و ژلایەکێ دیڤە کا چەوان هەرێما کوردستانێ دگەل وەلاتێ تورکیا باشترین ئاستێ پەیوەندیان هەیە ب هەمان شێوە پەیوەندیێن دێرین دنافبەرا هەولێرو تەهرانی دا هەنە چونکە ئەڤە جارا ئێکەم نینە بۆ سەرەدانێن فەرمێ نێچیرڤان بارزانی ژلایێ ئێرانێ ڤە دهێتە داخوازکرن بەلکۆ چەندیین جارە ب فەرمی دهێتە داخوازکرن ئەڤ جورێ سەرەدانێ د دەمەکێ باش و پێدڤی دایە هەم بۆ هەرێما کوردستانێ و هەم بۆ تەهرانێ چونکە هەرێما کوردستانێ فاکتەرێ چارەسەریێ و ئاشتیێ یە دگەل عێراقێ و وەلاتێن جیرانێ خۆە دیسان ئێران ئێك ژ وان وەلاتێن کارێگەرو بهێزە ل رۆژهەلاتا ناڤەڕاست و تایبەت د عێراقی دا ژلایێ سنورێ و بازرگانی سیاسی پێگەهەکێ گرنگ هەیە و گەشەکرنا پەیوەندیێن دپڵوماسی ئێران رۆلەک مەزن و بەرچاڤ هەیە برێکا ڤان پەیوەندیێن بهێز ژ لایێ سەرۆکێ هەرێما کورستانێ دگەل تهرانێ د چارەسەرکرنا کێشەێن دناڤبەرا هەولێرو بەغدا دە دچارچووڤێ دەستوری دا ئێران خۆدان هەلویستەکێ گرنگە .