شازادەی جێنشینی سعودیە و ئەمیری کوێت جەختیان لە گرنگی پاراستنی ئاسایش و سەقامگیری لە دەریای سوور کردەوە.

محەممەد بن سەلمان شازادەی جێنشینی سعودیە و مەشعەل ئەحمەد ئەلجابر ئەلسەباح ئەمیری کوەیت بە بڵاوکردنەوەی بەیاننامەیەکی هاوبەش جەختیان لە گرنگی پاراستنی ئاسایش و سەقامگیری لە دەریای سوور و ڕێزگرتن لە مافی… کەشتیوانی لەم ناوچەیەدا.

بەگوێرەی ئاژانسی هەواڵی فەرمی سعودیە، لایەنەکان ئاماژەیان بەوە کردووە کە پێویستە ئاسایش و سەقامگیری دەریای سوور بپارێزرێت و بەپێی یاسا نێودەوڵەتییەکان و ڕێککەوتننامەی نەتەوە یەکگرتووەکان بۆ یاسای دەریا ڕێز لە کەشتیوانی لە دەریای سووردا بگیرێت.

سەرکردەکانی سعودیە و کوەیت لە بەیاننامەیەکی هاوبەشدا جەختیان لەوە کردەوە کە لە بەرامبەر پێشهاتەکانی ناوچەکەدا مرۆڤ بە عەقڵی ساغ مامەڵە بکات و خۆی لە پەرەسەندنی گرژییەکان بەدوور بگرێت.

 

 

گوڵان: سەردار خەلیل