هەناسەتەنگی Dyspnea بریتییە لە هەستكردن بە ناڕەحەتی لە هەناسەدا، لەوانەیە تیژ بێت كە بۆ ماوەی چەند كاتژمێرێك تا چەند ڕۆژێك بەردەوام بێت، یان درێژخایەن، واتە بۆ ماوەی 4-8 هەفتە بەردەوام بێت. هۆكارەكانی هەناسەتەنگی لەكاتی پیادەڕۆییدا بیتین لە: ڕەبوو، قەڵەوی، نەخۆشیی خوێنبەرەكانی دڵ كە لەوانەیە هاوكات بێت لەگەڵ سینگ ئێشەیەكی توند، ناڕێكبوونی لێدانەكانی دڵ Heart arrhythmia، هەوكردنی شانەی سییەكان كە هەناسەتەنگی هاوكات دەبێت، لەگەڵ تەنكبوون و خێرابوونی هەناسە و بەرزبوونەوەی پلەی گەرمیی لەشدا، نەخۆشیی درێژخایەنی كۆئەندامی هەناسە، كە دەبێتە ئەگەری تەسكبوونەوەی ڕێڕەوەكانی هەناسە COPD كە هاوكاتە لەگەڵ ویزەی سینگ و بێهێزبوونی ماسوولكەكان، شێرپەنجەی سییەكان، هەستەوەیی قوڕگ و كۆئەندامی هەناسە، جگەرەكێشان، پەستی، كەمخوێنی، هەروەها بەرزبوونەوەی پەستانی خوێن. ڕێنمایی پسپۆڕان بۆ حاڵەتەكانی هەناسەتەنگی لەكاتی پیادەڕۆییدا بیتین لە: هەناسەوەرگرتنی لەسەرخۆ لە ڕێگەی لووت و، هەناسەدانەوە لە ڕێگای دەم، هاوكات لەگەڵ خاوكردنەوەی ماسوولكەكانی مل و شانەكان بەمەبەستی هاندانی فرمانی ناوپەنچك بۆ سووككردنی كرداری هەناسە، بەڵام ئەگەر بەم هەنگاوانە هیشتا هەناسەتەنگیی لەكاتی پیادەڕۆییدا بەردەوام بوو، ئەوا پێویست بە سەردانی دكتۆر دەكات بۆ دۆزینەوەی هۆكاری هەناسەتەنگی و چارەسەكردنی.