بەهۆی کەوتنەخوارەوەی بەرزکەرەوەیەک ١١ کەس گیانیان لەدەستدا

بەرزکەرەوەیەک لە كاتی گواستنەوەی کرێکارانی كانزا لە شاری ڕوستنبێرگ لە باشووری ئەفریقا، بە شێوەیەکی چاوەڕوان نەکراو کەوتە خوارەوە.
بەپێی سەرچاوە هەواڵە بیانییەکان ، ئەم بەرزکەرەوەیە ٨٨ کرێکاری تێدابووە، ١١ کەس بەهۆی ئەم ڕووداوەوە گیانیان لەدەستداوە و ٧٥ کەسیش لەم ڕووداوەدا برینداربوون.
پێویستە ئاماژە بەوە بکرێت، کە ئەم بەرزکەرەوەیە بە شێوەیەکی چاوەڕوان نەکراو لە نزیکەی ٢٠٠ مەتر بەرزی کەوتۆتە خوارەوە.
گوڵان: سەردار خەلیل