كەمێك لەمەوبەر، كۆبوونەوەی نێوان مەسرور بارزانی،سەرۆك وەزیرانی هەرێمی كوردستان و شاندی یاوەری لەگەڵ محەمەد شیاع سوودانی، سەرۆك وەزیرانی عێراق دەستی پێ كرد.
لە كۆبوونەوەكەدا كە هەریەك لە قوباد تاڵەبانی، جێگری سەرۆك وەزیرانی هەرێمی كوردستان و ڕێبەر ئەحمەد، وەزیری ناوخۆ و ئاوات شێخ جەناب، وەزیری دارایی و ژمارەیەك لە بەرپرسانی باڵای حكوومەتی هەرێمی كوردستان، بەشدارن، گفتوگۆ لەبارەی ماف و شایستە داراییەكانی هەرێمی كوردستان و ناردنی مووچەی مووچەخۆرانی هەرێمی كوردستان دەكرێت.
ئەمە لە كاتێكدایە كە تاوەكوو ئێستا حكوومەتی فیدراڵی پابەندی جێبەجێكردنی یاسای بودجەی گشتیی عێراق نەبووە تایبەت بە ماف و شایستە داراییەكانی هەرێمی كوردستان و سەردانەكەی شاندی باڵای حكوومەتی هەرێمی كوردستانیش بە مەبەستی جەختكردنەوەیە لە جێبەجێكردنی ئەو بڕگە و ماددانەی پەیوەندییان بە هەرێمی كوردستانەوە هەیە.
