پێکدادانی دوو هێلیکۆپتەر لە ویلایەتی کالیفۆرنیای ئەمریکا
![پێکدادانی دوو هێلیکۆپتەر لە ویلایەتی کالیفۆرنیای ئەمریکا](https://gulanmedia.com/public/images/posts/20230807194126_original_9.jpg )
دوای پێکدادانی دوو هێلیکۆپتەری ئاگرکوژێنەوە لە ئەمریکا سێ کەس گیانیان لەدەستدا
درەنگانی یەکشەممە، دوو هێلیکۆپتەر لە کاتی كوژاندنەوەی ئاگر لە ناوچەی ریورساید لە ویلایەتی کالیفۆرنیای ئەمریكا پێکیاندادا و لە ئەنجامدا سێ کەس گیانیان لەدەستدا.
ئەم دووهەلیکۆپتەرە لە جۆری بێڵ و سیکۆرسکی بوون. هەلیکۆپتەری یەکەم دوای پێکدادانەکە توانی بە سەلامەتی بنیشێتەوە، بەڵام هەلیکۆپتەری دووەم كۆنتڕۆڵی لەدەست دەرچوو و کەوتە خوارەوە و سێ سەرنشینەکەی گیانیان لەدەستدا. قوربانییەکان بریتی بوون لە فڕۆکەوانێک و بەرپرسێکی ئاگرکوژێنەوە و کاپتنێک.
پێویستە ئاماژە بەوە بکرێت، کە هەموو ساڵێك لەگەڵ لوتکەی وەرزی هاویندا، کالیفۆرنیا وەک زۆربەی ناوچە دارستان و لەوەڕگەکانی ئەمریکا، ڕووبەڕووی ئاگرکەوتنەوەیەکی بەرفراوان و کوشندە دەبێتەوە.
گوڵان: سەردار خەلیل