سوپای پاکستان: هەشت چەکداری تیرۆریستمان کوشت
سوپای پاکستان لە ڕاگەیەندراوێکدا ڕایگەیاند: کە هێزە ئەمنییەکانی ئەو وڵاتە ٨ چەکداری تیرۆریستیان لە ناوچەی کەچ لە پارێزگای بەلوچستان کوشتووە.
بەگوێرەی ئەم ڕاگەیاندنە، چەکدارەکان پلانیان دانابوو بۆسەیەک بۆ سەر ڕێگای کاروانێکی سەربازی لە ناوچەی کەچی ئەم ویلایەتە دابنێن و زیانی گیانی بەسەر هێزە ئەمنییەکاندا بسەپێنن، لە ئەنجامی ئەو پێكدادانەدا 8 چەکداری ئەو گروپە کوژراون، هەروەها دەست بەسەر ژمارەیەک چەک و تەقەمەنیدا گیراوە.
میدیاکانی پاکستان هەروەها ڕایانگەیاند: کە "لە ئۆپەراسیۆنی هێزە ئەمنییەکانی پاکستان لە ماوەی شەو و ڕۆژێكدا 14 چەکداری تیرۆریست کوژراون"، بەڵام هیچ وردەکارییەک لەبارەی کەسە کوژراوەکانەوە نەخراوەتەڕوو.
گوڵان: سەردار خەلیل
