رۆژنامەی «دەیلی مەیل»ی بەریتانی گرتەیەكی ڤیدیۆیی نوێی «تۆم هانكس»ی ئەستێرەی ناسراوی هۆڵیۆدی بڵاو كردەوە، كە تێیدا دەر دەكەوێت تۆم هانس كێشی زۆری دابەزاندووە و، لە دۆخێكی تەندروستیی مەترسیداردا دەردەكەوێت.
لە ڤیدیۆكەدا دەركەوتووە كە ئەو ئەكتەرە ئەمریكییە، لە كاتی گەشتی بانگەشەیی فیلمی ژیاننامەی گۆرانیبێژی كۆچكردوو ئێلڤیس پرێسلی «ئێلڤیس» كە لە شاری گۆڵد كۆستی ئوسترالیا ئەنجام درا، نەیتوانیوە دەستی راستی كۆنتڕۆڵ بكات و، لەكاتی گرتنی مایكرۆفۆنەكەدا بە توندی دەلەرزی.

ئەستێرە تەمەن 65 ساڵییەكە كە مایكرۆفۆنەكەی بە دەستی ڕاستی گرتبوو، كاتێك دەستی كرد بە لەرزین، دەستی چەپی بەكارهێناوە بۆ كۆنتڕۆڵكردنی مایكرۆفۆن، هەروەها هەوڵی داوە لە كاتی قسەكردندا لە نێوان دەستەكانیدا بیگۆڕێت.
بەپێی ماڵپەڕی دەیلی مەیل، هانكس لەو گرتە ڤیدیۆییەدا رایگەیاندووە: «لە جیهاندا هیچ شوێنێك لە گۆڵد كۆست باشتر نییە بۆ وێنەگرتنی فیلمێكی سەرنجڕاكێش، پێشتریش لە چەند شوێن فیلمم گرتووە، لەوانە مەغریب و لۆس ئەنجلۆس و نیویۆرك و سیاتڵ و بەرلین و چەند وڵاتێكی دیكە، بەڵام هیچیان نییە وەك گۆڵد كۆستیان نییە» .