هێزە ئەرمەنییەکان تەقە لە پێگەکانی ئازەربایجان دەکەن
هێزە ئەرمەنییەکان لەسەر سنووری نێوان هەردوو وڵات تەقەیان لە پێگەکانی ئازەربایجان کرد.
وەزارەتی بەرگریی کۆماری ئازەربایجان ڕاگەیەندراوێکی بڵاوکردەوە و تیایدا تەقەکردنی هێزە ئەرمەنییەکانی لە سەر سنوورییەکان ڕاگەیاند.
بەپێی راگەیەندراوەکە، لە ئێوارەی دوێنێ 31ی ئایارەوە تا سەرلە بەیانی ئەمڕۆ، پێگەکانی ئازەربایجان لە گوندی زیلیک-ی سەر بە پارێزگای کلبجر و ناوچەی ئاغدام لەلایەن هێزە ئەرمەنییەکانەوە کراونەتە ئامانج.
سوپای ئازەربایجان وەڵامی ئەو هێرشانەی داوەتەوە.
گوڵان: سەردار خەلیل
