لەسەر گرتنەوەی ئاوی رووبارەكان لەلایان ئیرانەوە، عیراق لە دادگای نێودەوڵەتی سکاڵا تۆمار دەكات
![لەسەر گرتنەوەی ئاوی رووبارەكان لەلایان ئیرانەوە، عیراق لە دادگای نێودەوڵەتی سکاڵا تۆمار دەكات](https://gulanmedia.com/public/images/posts/20211030131943_original_32.webp )
بەپێی هەواڵەكانی میدیای عێراقی مەهدی حەمدانی وەزیری سەرچاوە ئاوییەکانی عێراق هەڕەشەی تۆمارکردنی سکاڵای لە دژی ئێران کردووە.
ئەو نیگەرانی و هەرەشەی تۆماركردنەی سكاڵایەی حكومەتی عیراق لەدژی ئیران دەگەڕێتەوە بۆ دروستکردنی چەندین بەنداو تونێل لەسەر رووبارەکان لەلایەن ئێرانەوە كە ئاڕاستەی ئاوەكانیان گۆڕیوە و ناهێلین ئەو بەشە ئاوەی بۆ هەرێمی کوردستان و عێراق پێویستە بێت.
هەر بەهۆی گرتنەوەی ئاو لەرووباری سیروان لەلایەن ئێرانەوە ئاستی ئاوی سیروان تا رادەی وشكبوون دابەزیووە و سەرچاوەی ئەو ئاوەش رۆژهەڵاتی کوردستانە، شایانی باسە رووباری سیروان پاش ئەوەی بە هەرێمی كوردستان تێدەپەڕێت لەپاشان دەڕژێتە ناو رووباری دیجلەوە.