نوێنەرێکی کورد لە ئەنجوومەنی نوێنەرانی عێراق ڕایدەگەیەنێت باشتر وابوو لە سەرەتاوە حکوومەتێکی زۆرینە لە عێراقدا پێک بهاتایە و ئەوانەی دەمانەوە ببونایە بە ئۆپۆزیسیۆن. بڕوایشی وایە بە هۆی کێشەی زۆر و دژایەتیکردنی یەکتری لە ئێستادا ناتوانرێت حکوومەتێکی زۆرینە لە عێراقدا پێک بهێنرێت.
ئەندامی ئەنجوومەنی نوێنەرانی عێراق لە لیستی هاوپەیمانیی کوردستانی، مەحموود عوسمان، بۆ ئاژانس و ڕادیۆی پەیامنێر گوتی: \"لە ئێستادا ناتوانرێت حکوومەتی زۆرینە پێک بهێنرێت، بەڵکە دەبوایە لە سەرەتاوە ئەوە بکرایە، بەڵام بە هۆی ئەوەی ئێستا کێشەکان و دژایەتیی یەکتر زۆر بووە، بەو هۆیەوە هیچ کەسێک ناتوانێت حکوومەتێکی زۆرینە دروست بکات\"".



مەحموود عوسمان لەسەر ئەو باوەڕەیە کە ئەگەر بێت و لایەنێک حکوومەتی زۆرینە پێک بهێنێت ئەوانەی دیکە دەبنە دژی و ئەوکاتیش دەبێتە دوو حکوومەتی."