له‌میانی به‌رنامه‌ی‌ چیكراوه‌یNNAدا (ڕزگار حه‌سه‌ن ناسیح) قایمقامی قه‌زای‌ شه‌قلاَوه‌ باسی له‌كارو پرۆژه‌ نوێكانی قه‌زاكه‌یان كرد وتی:\"نوێترین به‌رنامه‌یان دروستكردنی شارێكی گه‌شتیاریه‌ له‌چیای سه‌فین كه‌ به‌گرنگترین و ستراتیژی‌ ترین پڕۆژه‌ی‌ گه‌شتیاری شه‌قلاَوه‌ داده‌نرێت\"".

به‌وته‌ی‌ قایمقامی قه‌زای‌ شه‌قلاَوه‌ ته‌نها له‌ساڵی پاردا زیاتر له‌ 68 هه‌زار گه‌شتیار ڕویان له‌شه‌قلاَوه‌كردووه‌.

جگه‌ له‌وه‌ش قایمقامی قه‌زای‌ شه‌قلاَوه‌ ئاماژه‌ی‌ به‌دروستكردنی ئوتێلێكی 5 ئه‌ستێره‌یی كرد كه‌ بۆ جه‌ژنی ڕه‌مه‌زانی ئه‌م ساڵ ته‌واو ده‌بێت،
له‌درێژه‌ی‌ وته‌كانیدا (ڕزگار حه‌سه‌ن ناسیح) له‌ڕێی ڕادیۆی ناوخۆوه‌ داوای له‌حكومه‌تی‌ هه‌رێم كرد، بودجه‌یه‌كی تایبه‌ت به‌قه‌زای شه‌قلاَوه‌ دابنرێت كه‌له‌ئاست گرنكی گه‌شت و گوزاری‌ ناوچه‌كه‌دا بێت.

هه‌روه‌ك چۆن سوپاسی هێزه‌كانی ئاسایش و پۆلیسی شه‌قلاَوه‌ی‌ كرد، كه‌ به‌گرنگ ترین پایه‌ی‌ ڕاگرتنی ئارامی‌ قه‌زای‌ ناوبراو داده‌نرێن."