له‌چاوێكه‌وتنێكدا له‌گه‌ڵ ته‌له‌فزیۆنی (خه‌به‌ر) بولند ئارنیچ جێگری سه‌رۆك وه‌زیری توركیا ئه‌گه‌ری ووتوێژكردنی له‌سه‌رگواستنه‌وه‌ی عه‌بدوڵا ئۆجه‌لان سه‌ركرده‌ی پارتی كرێكارانی كوردستان له‌ زیندانی دورگه‌ی ئیمرالی و ده‌سته‌به‌سه‌ركردنی له‌ماڵه‌كه‌ی خۆیدا به‌دوور نه‌زانی, به‌مه‌رجێك په‌كه‌كه‌ چه‌ك دابنێت , وه‌كو به‌شێك له‌ نه‌خشه‌ رێگای كۆتایی هێنان به‌ توندوتیژی له‌و وڵاته‌

ئه‌م ووتانه‌ی ئارنیچ وه‌ڵام و كۆمێنتێك بوو له‌سه‌ر لێدوانێكی له‌یلا زانا په‌رله‌مانتاری سه‌ربه‌خۆی كورد ده‌رباره‌ی پرسی ده‌ستبه‌سه‌ركردنی عه‌بدوڵا ئۆجه‌لان له‌ماڵه‌كه‌ی خۆیدا و هه‌روه‌ها سه‌باره‌ت به‌وه‌ی كه‌ له‌ چاوپێكه‌وتنێكدا له‌گه‌ڵ \"حورییه‌ت\"" رایگه‌یاندبوو كه‌ ره‌جه‌ب ته‌یب ئه‌ردۆگان سه‌رۆك وه‌زیرانی توركیا توانای چاره‌سه‌ركردنی كێشه‌ی كوردی هه‌یه‌.
داوایكرد كه‌ په‌كه‌كه‌ به‌بێ مه‌رج چه‌ك دابنێت به‌مه‌به‌ستی رێخۆشكردن له‌به‌رده‌م دۆزینه‌وه‌ی چاره‌سه‌رێكی ئاشتییانه‌ بۆ كێشه‌ی كورد. ."