قوباد تاڵەبانى بەیەكجارەكى دەگەڕێتەوە كوردستان
قوباد تاڵەبانى كوڕە گەورەكەى جەلال تاڵەبانى سكرتێری یەكێتیی نیشتمانی كوردستان لە دیمانەیەكدا لەگەڵ رۆژنامەى \"كوردیش ریڤیوو\"" گوتى، ئێستە سەرقاڵی ئامادەكاریم بۆ ئەوەى بەیەكجارەكى بگەڕێمەوە كوردستان و لە هاوینی داهاتوودا دەگەڕێمەوە و لە نووسینگەى سەرۆكى حكوومەتى هەرێم لە هەولێر كار دەكەم.
لەبارەى ململانێی نێوان حكوومەتى هەرێم و حكوومەتى ناوەند و هەڵوێستی ئەمەریكا تاڵەبانى كوڕ گوتی، ئەمە ململانێیكی سروشتییە لە نێوان لایەنە سیاسییەكان.
پتر گوتى، وڵاتە یەكگرتووەكانى ئەمەریكا ئێستە بەرپرس نییە لە عێراق چونكە ئەو ولاتە خاوەنى سەروەریی خۆیەتی و دەبێ ململانێكان لە ناوەخۆ بێنە چارسەركردن، دووپاتى كردەوە كە لە ئەمەریكا داوا ناكرێ هەڵوێستی لەو بارەیەوە هەبێ. "
