جارێكی تر تۆپخانه‌كانی توركیا گونده‌ سنورییه‌كانی هه‌رێمی له‌ سنوری قه‌زای ئامێدی تۆپباران ده‌كه‌نه‌وه‌و زیان به‌ ره‌زو باخی خه‌ڵكی ناوچه‌كه‌ ده‌گه‌یه‌نن.
سه‌رچاوه‌یه‌كی تایبه‌ت له‌ ناوچه‌كه‌ به‌ PUKmedia ی راگه‌یاند: سه‌رله‌به‌یانی ئه‌مڕۆ 10-6 تۆپخانه‌كانی سوپای توركیا ناوچه‌كانی (نێره‌و رێكان) ییان له‌ قه‌زای ئامێدی سه‌ر به‌ پارێزگای دهۆك تۆپباران كرد، له‌ هه‌مان كاتدا چه‌ند فڕۆكه‌یه‌كی جه‌نگییش به‌ ئاسمانی ناوچه‌كه‌دا ده‌سوڕانه‌وه‌.
سه‌رچاوه‌كه‌ وتیشی: تۆپبارانه‌كه‌ جگه‌له‌ زیانی ماددی كه‌ به‌ر ره‌زو باخی خه‌ڵكی ناوچه‌كه‌ كه‌وتووه‌، زیانی گیانی به‌دواوه‌ نه‌بووه‌.