دوای ئەو زنجیرە تەقینەوانەی ئەمڕۆ کە بەغدای گرتەوە سەرۆکایەتی ھەرێمی کوردستان لە پاڵ ھاوخەمی خۆی بۆ قوربانیانی ئەم تەقینەوانە ئیدانەی ئەم کارە تیرۆرستیەی کرد.
لە راگەیندراوەکەی سەرۆکایەتی ھەرێمی کوردستان ھاتووە, بەداخێکی زۆرەوە ئەمڕۆ ھەواڵی زنجیرەیەک تەقینەوەی تیرۆرستیمان لە بەغدا پێگەیشت کە بووە ھۆی گیان لە دەستدان و برینداربوونی دەیەھا کەس .
ئێمە لەسەرۆکایەتی ھەرێمی کوردستان لە پاڵ ھاوخەمیمان بۆ قوربانیانی ئەم کارەساتە و سەرەخۆشیمان بۆ کەسوکاری قوربانیان , ئیدانەی ئەم کارە تیرۆرستیە دەکەین و داواکارین لە خوای گەورەو میھرەبان قوربانیانی ئەم کارەساتە بەبەھەشتی بەرین شاد کات .