ئه‌مڕۆ سه‌رچاوه‌یه‌ك له‌ پۆلیسی پارێزگای كه‌ركوك رایگه‌یاند, له‌ ناوه‌ڕاستی كه‌ركوك شه‌ڕێك له‌ نێوان پۆلیس و دوو ده‌ستگیركراو روویدا, له‌ ئه‌نجامدا پێنج كه‌س بوونه‌ قوربانی و زۆربه‌یان پۆلیسن.

ئه‌و سه‌رچاوه‌یه‌ وتیشی: نیوه‌ڕۆی ئه‌مڕۆ هێزێكی پۆلیس له‌ ناوه‌ڕاستی كه‌ركوك كرده‌وه‌یه‌كی گه‌ڕان و پشكنین ئه‌نجامدا, له‌ ئه‌نجانمدا دوو كه‌سیان به‌ هۆی ئه‌نجامدانی كرده‌وه‌ی تیرۆریستی ده‌ستگیركرد, دواتر هێزه‌كه‌ هه‌وڵی گواستنه‌وه‌ی ئه‌و دوو ده‌ستگیركراوه‌ی بۆ بنكه‌یه‌كی ئاسایش دا به‌ڵام ده‌ستگیركراوه‌كان توانیان چه‌كه‌كانیان له‌ ئۆتۆمبێله‌كه‌یان ده‌ربێنن و پێكدادان روویدا, له‌ ئه‌نجامدا هه‌ردوو ده‌ستگیركراوه‌كه‌ كوژران و سێ پۆلیسیش برینداربوون.

روونیشیكرده‌وه‌: برینداره‌كان بۆ نه‌خۆشخانه‌یه‌كی نزیك گوازرانه‌وه‌ و ته‌رمی كوژراوه‌كانیش بۆ دادی پزیشكی ره‌وانكران, لێكۆڵینه‌وه‌ش بۆ رووداوه‌كه‌ ده‌ستی پێكرد.