مەكتەبی رێكخستنى پارتى دیموكراتى كوردستان لە راگەیاندنێكى كورتدا ئاماژەى بەوە داوە چەند كەسێك، كە ناسنامەى دیارى نەكردوون، بۆ بەرژەوەندیى لایەنێكى تر، كە دەستنیشانى نەكردووە، سیخوڕییان لەسەر حزبەكەى كردووە و بۆ ئەوەیش داوایان لە دەسەڵاتى دادوەریى هەرێم كردووە بەدواداچوون بۆ ئەو بابەتە بكا.

لە روونكردنەوەكەدا، كە ئەمڕۆ سێشەم دەرچووە، هاتووە \"دوا بە دواى روونكردنەوەمان لە 2/1/2012 لەسەر بڵاوكردنەوەى هەندێك راپۆرت لە كۆوارى لڤین كە گوایە هى پارتیمانن، دەستمان كرد بە بەدواداچوون و لێكوڵینەوە و بۆمان دەركەوت چەند كەسێك بۆ بەرژەوەندیى لایەنێكى تر سیخوڕییان كردووە\"".

روونكردنەوەكە ئاماژەى بەوەیش داوە كە داوایان لە لایەنە رەسمى و دادوەرییەكانى هەرێم كردووە لێكۆڵینەوە و بەدواداچوون بۆ ئەو بابەتە بكەن و رێوشوێنى یاسایى لەو بارەوە بگرنەبەر."