سه‌رۆکى هه‌رێمی کوردستان بروسکه‌یه‌کى سه‌ره‌خۆشی له‌ کونسوڵی گشتی رووسیاى له‌ هه‌ولێر پێگه‌یشت

سه‌رۆکى هه‌رێمی کوردستان بروسکه‌یه‌کى سه‌ره‌خۆشی له‌ کونسوڵی گشتی رووسیاى له‌ هه‌ولێر پێگه‌یشت
\" نیکۆلاى رۆزاهییڤ\"" کونسوڵى گشتیی رووسیاى فیدراڵ له‌ هه‌ولێر پرسه و سه‌ره‌خۆشیی خۆی ئاراسته‌ی سه‌رۆکی هه‌رێمی کوردستان کرد.

ئه‌مه‌ش ده‌قه‌که‌یه‌تی:

\""به‌ڕێز سه‌رۆک مه‌سعود بارزانی
سه‌رۆکی هه‌رێمی کوردستانی عێراق
به‌ڕێز سه‌رۆک،
به‌ غه‌م و په‌ژاره‌وه‌ هه‌واڵی کۆچی ناواده‌ى دایکى به‌ڕێزتانمان بیست، رێگام بده‌ن له‌ جیاتى باڵیۆزى گشتیی رووسیا له‌ کۆماری عێراق به‌ڕێز ڤالێریان شۆڤاییڤ و کارمه‌ندانى کونسوڵخانه‌ى گشتیی رووسیاى فیدراڵ، پرسه‌ و سه‌ره‌خۆشی خۆمان ئاراسته‌ى ئێوه‌ و خانه‌واده‌که‌تان بکه‌ین به‌م بۆنه‌ غه‌مناکه‌ى کۆچی له‌ ناکاوى دایکی به‌ڕێزتان، هیوادارین بڕواى به‌هێزى ئێوه‌ و خانه‌واده‌که‌تان و دۆستانتان یارمه‌تیده‌رتان بێ بۆ ئه‌وه‌ى له‌ به‌رامبه‌ر ئه‌م کۆسته‌ به‌ ئازاره‌ خۆڕاگر بن.
دڵمان له‌گه‌ڵ ئێوه‌دایه‌ و دوعا بۆ ئێوه‌ و ئه‌ندامانى خانه‌واده‌که‌تان ده‌که‌ین

دڵسۆز
نیکۆلاى رۆزاهییڤ
کونسوڵى گشتیی رووسیاى فیدراڵ له‌ هه‌ولێر
28/ته‌مموز 2011\"""
Top