كۆمیتا بجهكرنا ماده‌یا سه‌د و چلێ یا ده‌ستورا ئێراقێ لسه‌ر هه‌ولێن خوه‌ ژبۆ بله‌ز بجهكرنا ماده‌یێ به‌رده‌وامه‌ و دڤى وارى ده‌ دكتۆر محه‌مه‌د ئیحسان ئه‌ندامێ كۆمیتا ناڤهاتى د داخویانییه‌كێ ده‌ ب ماڵپه‌ڕا كوردستان تی ڤی راگه‌هاند كو هه‌رچه‌ند ناكۆكى یێن سیاسى و ره‌وشا ئابوورى و ئاسایشێ ل ئێراقێ نۆرما نیه‌؛ لێ كارێ كۆمیتێ به‌ره‌ده‌وامه‌ ژبۆ بجهكرنا ماده‌یا سه‌د و چل ب ئاواكێ كو هه‌ژمارا وه‌لاتى یێن هاتنه‌ قه‌ره‌بووكرن و سه‌ر ب ده‌ڤه‌رێن ڤه‌قه‌تیایی نه‌ و ڤه‌گه‌ریانه‌ ده‌ڤه‌رێن خوه‌ یێن ره‌سه‌ن؛ گه‌هایه‌ ئاسته‌كه‌ بلند.

د هه‌مان ده‌مێ ده‌ گۆت هێ ژى هه‌ژماره‌كا مه‌زنا وان وه‌لاتیان مانه‌ یێن ژبۆ ده‌ڤه‌رێن خوه‌ نه‌هاتنه‌ ڤه‌گه‌راندن و نه‌هاتنه‌ قه‌ره‌بوو كرن و دازانین ژى دراڤێن ژبۆ بجهكرنا ڤى كارى هاتیه‌ ته‌رخانكرن د ئاستا داخوازیان ده‌ نیه‌و كێمه‌.

ناڤهاتى خویاژى كر كو ئه‌و راستى گرفتارى و ئاسته‌نگا تێن دڤێ ژبال جڤاتا نونه‌رێن ئێراقێ و سه‌رۆكاتیا كۆمارێ ڤه‌ بێنه‌ چاره‌سه‌ركرن و د هه‌مان ده‌مێ ده‌ ژى بال كشانده‌ سه‌ر وێ یه‌كێ كو گرفتاریێن وان ل به‌رێ كێمتربوونه‌ ژبه‌ر هه‌ڤفێمكرنا نێڤبه‌را وان بێتربوویه‌.

خوه‌یا ژى كر كو ئه‌و په‌ستۆیا ل توو كه‌سى ناكن؛ لێ ئه‌ڤ یه‌ك لسه‌ر رازیبوونا وان وه‌لاتیا تێ كرن یێن ژبۆ ده‌ڤه‌رێن وان تێنه‌ ڤه‌گوهه‌ستن و تێنه‌ڤ قه‌ره‌بووكرن.

-Ktv