مهسرور بارزانى: پارتى ئامادهیه بشێوهكىَ دیموكراسى چارهسهریا گرفتێن ههنوكهیى بكهت
دكومبونهكىَ دا كو عهلى شنگارى نوینهرىَ سهروك بارزانى ئامادهببو ، رێزدار مهسرور بارزانى پیروزباهیێن سهركردایهتیا پارتى ئاراستهى بهرپرسىَ نوى یىَ لقىَ ئێك كر و هیڤى خواست كو دماوىَ داهاتى دا خزمهتهكا باشتر پێشكێشى خهلكىَ سنورىَ لقىَ بكهن ، ل دیڤدا بهحسىَ رهوشا سیاسى و ئێمناهیا ههرێما كوردستانىَ كر و دڤى بیاڤى دا روناهى بهردانه سهر ههلویستىَ سهركردایهتیا پارتى ل ههمبهر پێشهاتێن نوى و ئهو ئالوزیێن ههنوكهیى ل پارێزگهها سلێمانیىَ و دیار كر كو پارتى پتر ژ ههر كارهكى گرنگیىَ ب پاراستنا ئێك رێزى و ئێك ههلویستی و پیگكڤه ژیانا براینى ددهت لهورا پارتى ههمى دهمان ئامادهیه ب ریێن ئاشتى و دیموكراسى و بشێوىَ دیالوك و بههڤكارى دگهل پارت و لایهنێن سیاسى ب ئوپوزوسیون ڤه چارهسهریا كێشه و گرفتان بكهت و دوپاتى ل سهر جێبهجێكرنا دهستپێخهریا جهنابىَ سهروك بارزانى كر.