سه‌عات 3:30ى پاشنیوه‌رۆى ئه‌مرۆ 12/4/2011 بۆ گفتوگۆكردن سه‌باره‌ت به‌بودجه‌ى وه‌زاره‌تى ئاوه‌دانكردنه‌وه‌ سه‌رۆك و ئه‌ندامانى لێژنه‌ى ئاوه‌دانكردنه‌وه‌ له‌گه‌ل كامران ئه‌حمه‌د عبدالله وه‌زیرى ئاوه‌دانكردنه‌وه‌ و نیشته‌جێكردن و ژماره‌یه‌ك له‌ به‌رێوه‌به‌ره‌ گشتیه‌كانى وه‌زاره‌ت كۆبوونه‌وه‌.

له‌كۆبوونه‌وه‌كه‌دا كه‌ له‌هۆڵى لێژنه‌ى ئاوه‌دانكردنه‌وه‌ به‌رێوه‌چوو، له‌باره‌ى به‌شه‌ بودجه‌ى ساڵى 2011 ی وه‌زاره‌تى ئاوه‌دانكردنه‌وه‌ و نیشته‌جێكردنى گفتوگۆكرا. پاشان سه‌رۆك و ئه‌ندامانى لێژنه‌ى ئاوه‌دانكردنه‌وه‌ سه‌رنج و پێشنیازه‌كانى خۆیان سه‌باره‌ت به‌پرۆژه‌ پێشنیاز كراوه‌كان و به‌رده‌وامه‌كانى وه‌زاره‌تى ئاوه‌دانكردنه‌وه‌و نیشته‌جێكردن خسته‌روو و هاوكات به‌رنامه‌ى وه‌زاره‌ت بۆ ساڵى 2011 له‌ جێبه‌جێكردنى پرۆژه‌كان خرانه‌ به‌ر باس و گفتوگۆ .