مه‌سعود بارزانی سه‌رۆكی هه‌رێمی كوردستان و جۆ بایدن جێگری سه‌رۆكی ویلایه‌ته‌ یه‌كگرتووه‌كانی ئه‌مه‌ریكا له‌پوه‌یندییه‌كی ته‌له‌فۆنیدا، وێڕای په‌یوه‌ندییه‌كان، گفتوگۆیان له‌هه‌مبه‌ر یه‌كلایی كردنه‌وه‌ی پۆسته‌ ئه‌منییه‌كانی پێكهاته‌ی حكومه‌تی عێراق كرد.

به‌پێی هه‌واڵێكی ماڵپه‌ڕی كوردستان tv، ئێواره‌ی دوێنێ هه‌ینی مه‌سعود بارزانی سه‌رۆكی هه‌رێم په‌یوه‌ندییه‌كی ته‌له‌فۆنیدا له‌ جۆ بایدن جێگری سه‌رۆكی ئه‌مه‌ریكا پێگه‌یشت و له‌و په‌یوه‌ندییه‌دا بارزانی و بایدن راو پێشنیازی خۆیان له‌باره‌ی دوایین پێشهاته‌كانی عێراق و ته‌واوكردنی پێكهاته‌ی حكومه‌تی عێراق، به‌تایبه‌ت پۆسته‌ ئه‌منییه‌كان ده‌ربڕی.

هه‌ر له‌و په‌یوه‌ندییه‌ ته‌له‌فۆنییه‌دا، په‌یوه‌ندییه‌كانی نێوان هه‌ردوولا و په‌ره‌پێدانی ئه‌و په‌یوه‌ندییانه‌ جێی گفتوگۆ بوو.