پێشی هەر پارتەک دروست بیت دڤێت ئەڤێ پارتێ پێشتر پیڵانەکا نەتەوایەتی و سلوگانەک و ئارمانجەک و ئامرازەک دانابیت بو پێشڤەبرنا کاروبارێن ڤێ پارتێ لسەر ئەساسەکێ نەتەوایەتی و چڤاکی کو بشێت خزمەتەکێ پێشکێشی ملەتی بکەت و ببیتە هێڤێنێ رزگاریێ و سەربەستیێ.
پشتی دروستبونا رێکخڕوا چەکداریا (پەکەکێ) برایەتیا گەڵان و رزگار کرنا ئەوروپا سلوگانێن هەرە بهێز یێن ڤێ رێکخراوا چەکداری بوون، لدەستپێکا بەرپاکرنا شورەشا خویا چەکداری و حزبایەتیێ هەرگاڤ بەرژەوەندیێن تەسک یێن شەخسی دناڤ ڤێ ڕێکخراوا چەکداری ڕەنگڤەدانکرینە و بوینە ئەگەڕێ ماڵوێرانی و پاشکەفتنا مڵەتی، بەرخودانا وان دیرە ژ دیموکراسیەت و خەباتا نیشتیمانی،چونکی د گشت پرسێن نەتەوایەتیدا وان سەربخۆی و ئازادیا نەتەوایەتی نەڤیایە و ئاخفتنێن سەرکردێن وان ژی چ جارا دگەل سەربخویێ و سەربەستیێ ۆ برایەتیێ نەبوینە.

لدەمێ دروستبونا پەکەکێ و هەتا نوکەژی دگەلدابیت چ دەمان پەکەکە نەشیایەپێناسینەکا جوان بدەتە وەڵاتی و نەتەوا کورد، لدەستپێکا خەبات و بەرخودانا وان هەر زوی بفیتا چەند وەڵاتێن دوژمنێن کوردان سەنگەرێ خەباتا خو ل کوردستانا باکور ڤەگوهاستیە بو کوردستانا باشور و لسەر چیاین کوردستانێ و سنورێن کوردستانێ سەنگەر دروستکرینە ژبو دژایەتیکرنا برایێن خوین کورد ل هەرێما دەستوری یا کوردستانا عێراقێ، هەرگاڤ بوینە سەر ئێشان و دەردەسەری بو کوردستانێ و هەر ژبەر هەبوونا وان یا نەدەستوری و یاسای چەندین گوندێن کوردستانێ ب بەتالی ماینە و خەلک نەشێن ڤەگەریێنە سەر زێدێ خو و ژیانا خو بسەر ببەن، ئەڤ هەمی نەهامەتی ونەخوشی ژ ئەگەرێ کارێن پیس و چەپەل و گەف و هەڕەشەیێن رێکخراوا پەکەکێنە کو ڕوژانە گەفا ل خەلکێ دەڤەرێ دکەن و باج و سەرانا ژ خەلکی وەردگرن.

هەر ژبەر هەبۆنا پەکەکێ ل کوردستانێ دەرفەت دایە وەڵاتێ تورکیا کو هەرگاڤ سنورێن کوردستانێ توپباران بکەت ب هەجەتا هەبۆنا پەکەکێ،هەر ژئەگەرێ ڤێ چەندێ هەتا نوکە چەندین جاران هاڤۆڵاتیێن سڤیل بوینە ئارمانج و گەلەک وەڵاتی شەهید و برینداربوینە و بوینە قوربانیێن سیاسەتا خەلەت یا ڤێ ڕێکخراوا چەکداری.

چەکدارێن پەکەکێ لناڤ ڕێزێن خۆ و دەرڤەی ڕێزێن خو چ جارا ڕەئیا جیاواز و دیموکراسیەت و هەلبژاردن پێ قەبوڵ نەبویە و هەرگاڤ بیرا تیرۆری و ئیرهابا فکری د ئەقلێ سەرێ واندا مەزنبویە و گەشەکریە، هەتاکو گەهشتیە ڤێ چەندێ زارۆکێن کورد بزوری ڕەڤاندینە و ئەو فکرا خەڵەت ژی دسەرێ وان دا سەپاندیە، هەروەها زور زەرەر و زیانێن مەزن گەهاندینە وان دەسکەفتان ئەوێن کوردستانا باشور بخۆین و خەباتێ بدەستڤە ئیناین و چەندین جار کەسێن حزبی و حکومی ئارمانج گرتینە و شەهیدکرنە.

پەکەکە بەروڤاژی سلوگانێن خۆ دماوێ خەباتا چل سالیا خودا ئێک مفایێ بتنێ ژبو کوردان نەبویە و نەشیاینە برایەتیا گەڵان دروست بکەن ،بەڵکو کار ژبو تێکدانا گەڵان دکەن، هەروەها نەشیاینە ئەوڕوپا ژی ڕزگار بکەن!، هەتا نوکە نەشیاینە ئێک گوندی ل خاکا کوردستانا باکور رزگاربکەن ، بەڵکو بەروڤاژی ل زور ناوچە و گوند و چیاێن کوردستانێ مینا زوربەیا گوندێن دەڤەرا ئامێدیێ و شێڵادزێ و ڕێکان و دەڤەرێن ئاکرێ و سیدەکان ڤێ دوماهیێ ل شەنگاڵێ داگیرکرنە و خوئاسێ کرینە و ناهێلن ئاڤەدانی و ئارامی بو وان جها ڤەگەریێت کو خەلک لسەر ماڵ و حالێن خو ژیانێ ببەنەسەر.
پشتی رێککەفتنا حکومەتا هەڕێماکوردستانێ و حکومەتا عێراقێ لسەر ڤەگەریانا خەلکێ شنگالێ و ئاڤەدانکرنا ڤی باژێرێ کو بدەستێ چەتەیێن داعش هاتبو خراپکرن و جینوسایکرن،نوکە پەکەکە تنێ نەبوینە شاگردێن دوژمنان ،بەڵکو بوینە ڕێگڕ و ئاستەنگ لبەرامبەر ڤەگەڕیانا خەڵکێ ئاوارە کۆ نها دکەمپاندا ژیانێ بسەر دبەن ژیان ل خەلکێ کوردستانێ تاڵکریە، وان ل دژی حکومەتا هەڕێما کوردستانێ هێزەکا چەکداری سەر ب حەشدا شەعبی و ئیرانێ دروستکریە کو پاڵپشتیێ ل هەبونا وان یا نەشەرعی دکەن بو دژایەتێ پێکرنا دامو دەزگەهـ و سازیێن حکومەتا هەرێما کوردستانێ.

وان بناڤێ برایەتیا گەڵان دژایەتیا برایێن خو یێن کورد و دژایەتیا حکومەتا هەرێما کوردستانێ کریە و زۆربەیا جاران کەسایەتیێن سیاسی و حکومی ئارمانج گرتینە و شەهید و بریندار کرینە،هەروەها بوینە ئەگەڕێن تێکدانا پروسەیا ئاشتیێ ئەوا ل تورکیا بو کوردان هاتبو کرن، هێڕشێن وان یێن تیروری وەک پەقاندنا بوریا گازا هەرێما کوردستانی کو بو جاڕا چەندێیە دهێتە پەقاندن و پیلان و دروستکرنا گڕوپان بو هێرشکرنە سەر سازیێن حکومەتا هەڕێما کوردستانێ و تێکدانا پروسەیا ئاشتیێ و داگیرکرنا ناوچێن کوردستانێ وەکریە کو ب ڕێکخراوەکا تیرورستی بهێتە زانین لسەر ئاستێ جیهانێ بگشتی و کوردستانێ بتایبەتی.