بەرھەڤبوونا مەرجعێ کوردان بەرێز سەرۆک مسعود بارزانی بۆ بانگەشا ریفراندومێ ودانا بڕیارا مێژویی ل ٢٥-٩-٢٠١٧ یەکەم پێنگاڤ بوو ب پەیڤێن زێرن ھاتنە نڤیسین وبوویە شاھد بۆ مێژویێ دبیتە روژەکا جیھانی ودیروکی بۆ ھەمی کوردان ژبۆ بلندکرنا دەنگێ گەلێ کورد وخودان خاک وسەروەر وبکەتە کارتەکا پشت شکێن بۆ دوژمن ونەحەزێن کوردا، وئاراستەی ھەمی جیھانێ بکەت ب رێکەکا ئاشتی ویاسایی وەک مافەکێ رەوا یێ گەلێ کورد، و لڤێ بیرەوەریێ ھەمی تەخ وچینێن کوردستانێ ژ گەنج ولاو وکچ وژن وسیاسی وقوتابی وفەرمانبەر وکرێکار وپێشمەرگە بەژداربوون مل بملێ سەرۆک ورێبەرێ کوردان بەرێز مسعود بارزانی بەرەف ڤەبوونا دەرگایێ ھێڤی وئومێد وخەونا چەندین سالێن زۆرداری وبن دەستێ رێزگاربن و باراندنا روندکێن کەیفێ یا ھزارەھا دلسۆز وخەباتکارێن کوردینیێ، وپەیداکرنا گرنژینا سەر لێڤێن دایک وخوشکێن شەھیدان وئەنفالکریان وبەرەف گازی وھەوارا ئازادیێ ورێزگاریێ ژ عیراقەکا زلم وزۆردار، بۆ عیراقەکا جیران وھەڤ دوست وبخو سنوورەکێ چێکەین ژدەستکێن گولان ولێک نێزیکرنا دوو نەتەوێن ژێک جێواز وخودان ئابوورەکێ بھێز کو سوودێ بگەھینە ھەردوو لایەنا، ل روژەکا وەکی ئەڤرو ل ١٦-٩-٢٠١٧ ئەز وەک ژنەکا کورد پەروەر بەشداریا من دبەرھەڤیا کەرنەڤالێ (پارکا شانەدەر) ل ھولێرا پایتەخت وەک نینەرا دەڤەرا دھوکێ بەشداربووم، ئەویش ژبۆ رێکخستنا کاروچالاکیا وئامادەکرنا ھەمی نینەرێن نەتەوە وئاینێن کوردستانێ ل دەڤەرا دھوکێ بۆ بەشداری ل روژا ریفراندومێ، کو ھەر نوینەرەکێ نەتەوەیەکێ وئایینەکێ ب جل وبەرگێ خو یێ کلتوری یێ تایبەت وب روحەکا کوردەواری وپێکڤەژیان بەرەف ھەولێرا پایتەخت چوین، ب پەیڤ وگوتار وستران گوتن وئامادەبونا چەندین ھونەرمەندان ل ھەرچار پارچێن کوردستانێ ل سەر ستەیچی ودەست ب دەست وبێکڤە ب دەنگێ بلندکرن گازی کر، بەڵێ بۆ پێکڤە ژێانێ بەلێ بۆ سەربەخویا کوردستانێ، ل ڤێ راپرسیێ بڕیارا سەروکی دەستکەفتیەکێ زور مەزن بوو بۆ ھەمی گەلێ کورد ل ھەرچار پارچێن کوردستانێ بڕیارەکا حەکیمانە بوو، وەک کارتەکا فشارێ بدەست خوڤە بینیت و بکاربینیت ل دەمێ پێتڤی ب ھاریکاریا ھەمی بەرپرس وھێزێن سیاسی وحکومی ودەستەیا سەربخویا ھەلبژارتنا کو دەنگێ ٩٣.⁄. ب دەست خوڤە ئینا ب جوش وخروش بەشدرابوون ب پەیڤا بەڵێ بۆ سەرخەبوونا کوردستانێ.