ئایا هۆکارچی بو سەرکردەکانی ڕووداوەکانی ١٤ی تەموز سودیان لەڕووداوەکانی ساڵی ١٩٥٢ی میسر وەرنەگرت؟
ئایا هۆکارچیە ڕۆژی ١٤ی تەموز لەپشوی فەرمی بۆوە ڕۆژێکی ئاسایی و دەوامی فەرمی هەیە؟
*ئەلێرە پرسیارێکی خۆم وەک ڕۆژنامەنوس و چاودێرێکی سیاسی دێنمە پێشەوە بەوەی کاتی ئەمە نەهاتوە ڕاستیەکان دەربکەون و شکۆ بۆ پادشا و خانەوادەیی پادشایی بگەڕێتەوە؟
* بەشی یەکەم.
-ئەم پرسارانە دەیان جۆر وەڵامی هەیە.هەریەک و بەپێی بیروبۆچون و جیهان بینی سیاسی خۆی وەڵامی ئەم جۆرە پرسیارانەی داوەتەوە و دەداتەوە.
* لەوەڵامی ئەم پرسیارانە و دەیان پرسیاری تر
-لایەنێک لەهاووڵاتیان-ڕۆژنامەنوس-چاودێرانی سیاسی-پسپۆر و شارەزایان بڕوایان وایە ڕووداوەکانی ١٤ی تەموز شۆڕش بوە.بەڵگەی ئەم لایەنە بێهێزن لەبەر ئەوەی سوپا کردەوەکەی ئەنجامداوە
-لایەنەکەی تر لەهاووڵاتیان-ڕۆژنامەنوس-چاودێرانی سیاسی-پسپۆر و شارەزایان بڕوایان وایە ڕووداوەکانی ١٤ی تەموز کودەتا بوە. بەڵگەی ئەمانە بەهێزترن لەبەر ئەوەی سوپا کردەوەکەی ئەنجامداوە.
*ئەمەی لێرە جێگای داخە و پەڵەیەکی ڕەشە لەمێژووی عێراق و ئەنجامدەرانی ڕووداوەکانی ١٤ی تەموز ئەمەیە بۆ وەک ئەفسەرانی شۆڕش یاخود کودەتاکەی ساڵی ی ١٩٥٢میسر پادشا و خانەوادەکەیان بەسەلامەتی لەعێراق دەرنەکرد؟
-ئەمەی بەرامبەر پادشا و خانەوادەکەی کرا کۆمەڵکوژی و جینۆساید بو لەبەر ئەمەی هیچ یاسایەکی ئاسمانی و سەر زەوی کوشتاری بەم شێوە قەبوڵ ناکات.
*لەئێستاشدا و دوای ئەم هەموو گۆڕانکاریە گرنگەی لەگشت بوارەکانی ژیانی ئاسایی مرۆڤ و جیهانی سیاسی لەعێراق بەتایبەت دوای ساڵی٢٠٠٣ڕوویانداوە کاتی ئەمە نەهاتوە
آ-هەموو لایەک لەزاخۆ تابەسرە ئیدانەی کردەوەی کۆمەڵکوژی پادشا و خانەوادەکەی بکەن؟
ب-ئایا کاتی ئەمە نەهاتوە شکۆ بۆ پادشا و خانەوادەکەی بگەڕێنەوە؟
ج-لەم کات و ساتە گرنگ و نرخی نیە ڕووداوەکانی ١٤ی تەموزی ساڵی١٩٥٨بە شۆڕش یاخود کودەتا پێناسە بکرێت؟
*بەبڕوای من وەک ڕۆژنامەنوس و چاودێرێکی سیاسی کۆتایی هێنان بەپشوی فەرمی لەڕۆژی ١٤ی تەموز خۆی لەخۆیدا دانپێدانە بەوەی ئەم ڕووداوە ئەوە ناهێنێت ئەم ڕۆژەی بۆ بکرێتە پشوی فەرمی.
*کۆتایی هێنان بەپشوی فەرمی لەڕۆژی١٤ی تەموز بەشێکی شکۆی پادشا و خانەوادەکەی گەراندەوە.
*بەشی دووەم.
-زۆرجار لەمێژووی کۆن و نوێی مرۆڤایەتی مرۆڤێک بەبوختانێک یاخود شتێکی تری دوور لەڕاستی تاوانبار دەکرێت. ئەم مرۆڤە بێ تاوانە دووردەخرێتەوە یاخود زیندانی دەکرێت یاخود دەکوژرێت بەڵام لەدوای دەیان یاخود سەدان ساڵ ڕاستیەکان دەردەکەون و دان بەئەمە دادەنرێت ئەم مرۆڤە پاک و ڕاست بوە-ناوی زڕاوە و ستەمی لێکراو بۆیە بۆ شکۆ گەڕانەوەی دان بەراستی دادەنێن و داوای لێبوردنیش دەکەن نمونە؟
-لەمێژووی بەریتانیا شاژن(ئان بولین)بوختانی سێکس کردن لەگەڵ براکەی بۆ دروستکرا.تاوانباریش کرا و لەدوایی بەبڕیاری(پادشا هێری هەشتەم)سەریان پەراند بەڵام لەدوای(٥٠٠)پێنج سەد ساڵ ڕاستیەکان دەرکەوتن و شاژنی بەریتانیا (ئیلازابێس)شکۆی بۆ گەراندەوە.
-بەهەمان شێوە ئەفسەری ئەڵمانی(شتاوفو بێرگ)لەساڵی ١٩٤٤ هەوڵی بۆ کودەتا بەسەر دیکتاتۆری ئەڵمانی(ئەدۆلڤ هیتلەر) دا و سەرنەکەوت.لەدادگای ئەوکاتی هیتلەری شتاوفو بێرگ و هەڤاڵانی تۆمەتی بەناپاکی دادگایی کران و لەسێدارەش دران بەڵام لەدوان( ٧٥ )حەفتاو پێنج ساڵ ڕاستیەکان دەرکەوتن و لەڕێگای ڕاوێژکاری ئەوکاتی ئەڵمانی(خاتو ئەنگێڵا مێرکل) شکۆ بۆ شتاوفو بێرک و هەڤالانی گەرایەوە.
(ڕۆژنامەنوس و چاودێری سیاسی)