بڵند و پیرۆز بیت سالروژا دروستبوون و پەیدابوونا پارتی دیموکراتی کوردستان لسەر دەستێ بابێ روحیێ نەتەوا کورد مستەفا بارزانی کاک ئدریسێ جوانە مەرگ و هەڤالێن وی، روژا دروستبوونا پارتی دیموکراتی کوردستان بو هندێ دروستبۆ کو ئازادیێ بو کوردان و سەربخویێ بو کوردستانێ و مافێ چارەیێ بریاردانێ بنیات بینیت کو وەکی دینەمویەکێ کوردان زیندی بکەتەڤە ئەڤە د دەمەکیدا بوو کو کورد د کوپیتکا بێهێزیێدابوون ل ناڤخو لسەر ئاستێ نێڤدەولەتی ،
وەختێ کۆ پارتی دروستبوی هیڤی و بهێزیەکادی ل مەیدانا وارێ سیاسیا کوردیدا دروستبو ، ئەڤەبوویە هوکارێ ڕابونەڤە و بهێزیا کوردی ل کوردستانێ کۆ سڵوگانێ ( کوردستان یان نەمان ) کرە فەرهەنگا سەرکەڤتنێ ، روژا ۱٦ئاب هەڤدەمە دگەل روژا ژدایکبونا سەروک و رێبەرێ کورد (مەسعود مستەفا بارزانی)
کۆ ل ۱٦ئاب سالا۱۹٤٦ ل بن سیبەرا ئالایێ کوردستانێ ل سابڵاغ ژ دایکبوویە ، سەرۆک بارزانی هەر ل ژیێ گەنجاتیێدا لسەر رێبازا باب و باپیرێن خۆ و مڵ ب مڵێن بابێ روحی و ئدریسێ جوانە مەرگ و هەڤاڵالێن وی دەستێ دایە هەڵگرتنا چەکێ شەرەفێ و بەرگری ل کورد و کوردستانێ کریە ، جەنابێ سەروک بارزانی د شۆرش و بزاڤا پێشکەڤتنخوازا کوردیدا وەک پێشەنگ و کەسایەتەکی بهێز دەرکەڤتیە د بهێزکرنا پێگەهـ و ناساندنا کوردان دناڤ دلێ دونیایێدا ، جەنابێ سەرۆک دگەل پارتی دیموکراتی کوردستان ب بەردەوامی و بێ راوەستیان ل ژێر پەیڤا کوردستان یان نەمان بەرگری ل کورد و پاراستنا کوردستانێ کریە هەتا کو دوژمن نەچارکرینە رازی ببن لسەر وان مافان یێن کو هەژی کوردانن وەک مافێ هەمی گەلێن دی یێن دونیایێ ، ل ماوێ ۷٤ سالێن بوری کورد و کوردستان ل زوڕ هەڤرازی و نشێڤین دژوار دا دەرباز بویە ، وەک هەرگاڤ بابێ روحی مستەفا بارزانی دگەل مەسعود بارزانی و هەڤالێن وی لەسەر ئێک مافێن کوردان پاشڤەچوون نەکریە و هەردەم شەرکریە ژبو ئازادی بو کوردان و سەربەخوی بو کوردستانێ.
د ۱٦ئابدا گەلەک تشت دهێنەپێش چاڤێن مە:
د ۱٦ئابدا پەیڤا بابێ روحی دهێتە پێش چاڤێن مە گوتیە ( ئەگەر ئێک کورد ل کەرکوک نەبیت ژی کەرکوک هەرکوردستانە)
د ۱٦ ئابدا (بەرگریکرن ل شورەش و پێشکەڤتنان و ژناڤبرنا رژێما سەدامێ گورب گور دهێتە پێش چاڤێن مە)
د ۱٦ ئابدا (بهێزی و ناڤێ پێشمەرگەهێ قەهرەمان دهێتەپێش چاڤێن مە ل شەرێ سەپاندی یێ داعش کو ئێکەم هێزبوون خوراگر و سەرکەڤتی بوون لسەر وێ هێزا تیروری و چەپەڵ و پیس)
د ۱٦ ئابدا (مافێ چاڕەیێ خو نڤیسین و سەرکەڤتنا ریفراندومێ و بەرگریا داستانا پردێ و سحێلا دهێتە پێش چاڤێن مە)
د ۱٦ ئابدا (جەنابێ سەروک بارزانی دهێتە پێش چاڤێن مە کۆ دناڤ شەپولێن خەلکێ کوردستانێ و ل پێش چاڤێن هەمی دونیایێ حساب بو هەمی وان وەڵاتان نەکر کو دژی سەربەخویا کوردستانێ بوون ، کو جەنابێ سەروک بارزانی بەروڤاژی ل هندەک سەرکردێن دی یێن کوردان بەرگری ل سەربەخویا کوردستانێ و ئازادا کوردان کر)
د ۱٦ ئابد ئەڤ پەیڤا جەنابێ سەروک بارزانی دهێتە پێش چاڤێن مە کو دبێژیت: ئەگەڕ پارتی نەبا پیڵانا ژناڤبرنا کوردستانێ دا سەرگریت ئەڤڕۆ ل هەڤلێر دا خەلکەکێ دی حوکمی ل کوردستانێ کەت ، بێخەمبن هەرجورە پیڵانەکادی یا وەک وێ هەبیت دێ هێته ژناڤبرن و سەرناگریت ، خەلکێ کوردستانێ هیمەتەکا زور کر و نەهێڵا خەۆنا نەحەزان بهێتەجی ، زور ب وێ هیڤیێ بوون دوماهیا پارتی ببینن بەلێ وان نەزانی پارتی دێ بێتەحزبا ژمارە ئێک لسەر ئاستێ عێراقێ.