فێربوون نه شه‌رمه وه‌رن دا فێربین به‌ری مێربین
به‌روار نوری
زانایێ كۆرد شێخ سه‌عیدێ نورسی ده‌ردێ كوردان كو بێ ده‌وله‌تیه بۆ سێ ئه‌گه‌ران دزڤرینیتن ئه‌وژی نه‌زانین و بێ تفاقی و به‌خاله‌ت, وه‌كی دیار به‌دیع زه‌مانی زۆر ب جوانی ده‌ست دانایه سه‌ر برینا گه‌لێ كۆرد و ده‌ردێ وان دیاركریه و ده‌رمان ژی د هه‌مان ده‌ردا تێدا دیاره!! من دڤێتن لسه‌ڕ ڤان هه‌ڕسێ ته‌وه‌ران پیجه‌ك لسه‌ر واقعێ كوردان و كوردستانێ بشێوه‌كێ گشتی ده‌ربرینا خو بێژم!!
١/نه‌زانین: هه‌رده‌م و جهه‌كێ نه‌زانین لێ به‌ڵاڤ بیتن و رێژه‌یا خوانده‌ڤانان كێم بویه بێ گومان ئه‌و زه‌مان و واڕه به‌رده‌وام دێ به‌ر ب پاشڤه‌جونێ چن و به‌رژه‌وه‌ندیێن تایبه‌ت دێ لپێشتربن ژ به‌رژه‌وه‌ندیێن گشتی, ئه‌گه‌ر ئه‌م سه‌حكه‌ینه ره‌وشا گه‌لێ مه ل هه‌رێما كوردستانێ هه‌تا به‌ری ژناڤجونا رژێما سه‌دامی رێژا نه‌خوێنده‌واریێ زۆربوو و پتریا وان كه‌سێن نه‌خوێنده‌وار پوستێن حزبی و حكومی وه‌رگرتن و ده‌سه‌لات بۆ به‌رژه‌وه‌ندیێن خویێن تایبه‌ت بكارئینان و دیركه‌تن ژ فه‌لسه‌فه‌یا خزمه‌تكرنا خه‌لكی دێ ئینتیمایا خه‌لكی بو پارت و وه‌لاتی بهێزكه‌تن و ب پێچه‌وانه دێ خه‌لك تێربیتن ژ سلوگانێت نه‌ته‌وی و شارستانیه‌تا نوی یا ده‌وله‌تێن ڕۆژئاڤا شانازی و خوشیێ تێدا دبینن, هیڤیداڕم كه‌سێن زانا و خوانده‌ڤان ل جهێن پێتڤی بهێنه دانان و كاركرن لسه‌ر سیسته‌مه‌كێ گونجایی بهه‌ته‌كرن و یاسا سه‌روه‌ربیتن.
٢/بێ تفاقی: ب درێژاهیا دیڕۆكێ زۆر جار هاتیه ڤه‌گێران هه‌رده‌م ملله‌تێ كورد بێ تفاقه وب خیانه‌تكرنێ ئێك دوو گونه‌هباردكه‌ن مخابن خیانه‌تكرن بویه كلتوره‌ك دناڤ هێزێن كوردی دا و هه‌رده‌ما بولایه‌نه‌كێ هلكه‌ت یه‌كسه‌ر خه‌نجه‌را خیانه‌تێ ل پشتا برایێ خوه ده‌تن هه‌ر براستی ژی دمێژوویا هه‌ڤچه‌رخ دا مه گه‌له‌ك جاران دیت و گولێ بو خیانه‌تكرن به‌رده‌وامه نمونه ١٦ ئوكتوبه‌رێ., لێ دڤێت كورد وێ ئێكێ بزانن هه‌می پارتێن كوردی و خه‌لكێ كورد گرێدای ئێكن و شكاندن و كه‌تنا لایه‌نه‌كی ئێكسه‌ر كارتێكرنێ دكه‌ن سه‌ر لایه‌نێت دی یێن كوردی و دوزا ملله‌تێ كورد هه‌نگاڤه‌كێ پاشڤه‌دجیتن.
٣/به‌خاله‌ت و حه‌ساده‌ت: ئه‌ڤ ره‌وشته‌كێ ره‌شه د رێسایێن ئاینێن ئاسمانی و كلتور و ره‌وشتێن كومه‌لایه‌تی دا چونكی زۆر كارتێكرنه‌كا خراب دكه‌ته سه‌ر ده‌رونێ مروڤی و كومه‌ڵگه‌هێ ب گشتی و پارت و لایه‌نێن سیاسی تایبه‌تی بونمونه به‌خاله‌ت دبیته ئه‌گه‌رێ هندێ كۆ كه‌سه‌ك ماڵا خو بسوژیتن و وێران بكه‌تن دا مشكه‌ك پرته‌كا نانی لێ نه خوتن ئانكو زه‌ره‌را به‌خاله‌تێ زۆڕا گرانه وه‌ك خوژناڤبرنێ یه مینا ١٦ ئوكتوبه‌رێ ل كه‌ركوكێ.
ل سه‌ری مه ئاماژه دا وان سێ ده‌ردێن زانایێ مه‌زن بومه‌دیاركرین لێ دڤێت ئه‌م چبكه‌ین و چ پێنگاڤ پاڤێژین دا دل و ده‌رونێ تاك و پارت و ده‌سه‌لاتدارێن كورد پاقژبن ژڤان سێ ده‌ردان؟؟
دیتنا من زانست و زانین دبنه ئه‌گه‌رێ پێشڤه‌چوونا دوزا ملله‌تێ مه چونكی ئه‌گه‌ر ئه‌م زانابین دێ مێژوویا ملله‌تان و سه‌ربورێن تێدا ده‌ربازبون شاره‌زابین هه‌روه‌سا هندی مرۆڤ زانابیتن پتر گیانێ ئێكدوو قه‌بیلكرنێ لده‌ڤ بهێزدكه‌ڤیتن و بڤی ره‌نگی ئه‌م هه‌می دێ ئێك وه‌رگرین ب هه‌می دیتن و هزرو بوچۆنێت جیاوازڤه و بڤی ره‌نگی ب دانانا پلانه‌كا درێژخایه‌ن بو بده‌ستڤه‌ئینانا مافێن ره‌وا یێن ملله‌تێ كورد مسوگه‌ركه‌ین كاركرنا پێكڤه دبیته ئه‌گه‌رێ بێهێزكرن و ژناڤبرنا بێ تفاقی و به‌خاله‌تێ لێ ئه‌گه‌ر ب زانین وه‌ك ئێك تیم كاربكه‌ین ده‌سكه‌ڤتێن ملله‌تێ مه دێ زوربن و خه‌لكێ مه دێ ب ئارامی ژیتن و ده‌سه‌لات و پارتێن مه دێ مێژوویا خه‌باتا خو ب شانازی ڤه پری ده‌ستكه‌ڤت نڤێسیتن
نوسين:: بروار نورى. . .
