مسته‌فا سه‌لیم یان تارق محمد العه‌زاوی
به‌روار نوری
بارزانیێ نه‌مر دبێژیت ئه‌گه‌ركوردایه‌تی گرانه خیانه‌ت نه‌كرن ئه‌رزانه
لێ هوسا دبینین د ڤان ساڵێت بوری دا خیانه‌تكردن ئه‌رزانه و كوردایه‌تیكرن هه‌رگرانه ,
گه‌له‌ك یاهاتیه گوتن ژلایێ سه‌ركرده و ره‌وشه‌نبیر و شورشگێرانڤه كو كورد ژ ده‌ستێ خیانه‌تێ هاتینه شكه‌ستن و بێ ده‌وله‌ت بون
,دیسان ڤان رۆژان بێهنا خیانه‌تێ دفنێت مه تژیكرن ژ مه‌زلومیا مسته‌فا سه‌لیم زیندانیێ سیاسی ژ زیندانا سه‌قز هاتبو ره‌ڤین و د مالا برایێن خو یێ كورد داهاته ره‌وانه‌كرن بو باوه‌شا به‌نكێ سێدارێ ل ده‌وله‌تا فه‌قی یا پێشه‌وا و سه‌دان شوره‌شگێرێن كورد سێداره‌داینه ب گونه‌ها كوردبونێ هه‌تا كه‌نگی رێ ب ڤان كارێن خیانه‌تكاری بهێته‌دان ؟
هه‌تا كه‌نگی ده‌نگێ گه‌ل وپارت وده‌سه‌لاتا كوردی بێ ده‌نگ بمینه به‌رامبه‌ر ڤان خیانه‌تكاریان ؟
یان ئه‌رێ ئه ڤ كاره درێژه پێده‌رێ ١٦ئۆكتوبه‌رێ یه ؟
ره‌وشا هه‌رێما كوردستانێ دیفاكتویه‌كا دوواداره‌ی بخوڤه‌گرتیه وه‌ك مه‌زن دبێژن سه‌رێ دوو به‌رانا د قازانكه‌كێ دا ناكه‌لن, ئه‌رێ هه‌تا كه‌نكی دێ دوو ئاسایش و دوو هێزێن پێشمه‌رگه‌ی و دوو بازرگانی وده‌سه‌لاتێن جودا به‌رده‌وام بن ؟ له‌وما ئه‌ز لومه‌ی پارتی دیموكراتی كوردستان تایبه‌تی و هه‌می هێزێن كوردی بشێوه‌یه‌كێ گشتی دكه‌م د به‌رامبه‌ر ڤان كارێن خیانه‌تكاری یئن هه‌ڤسه‌روكێن یه‌كێتی نیشتیمانی كوردستان ,ئه‌رێ ب چ لۆژیك هێزێن كوردی هه‌وڵا خوشكرنا په‌یوه‌ندیا دگه‌ل ڤان هه‌ڤسه‌رۆكان دكه‌ن یان دڤێت هه‌می هێزێن كوردی ڤان كه‌سان سزابده‌ن حه‌تا سزایه‌كێ دبلوماسی بیتن ئه‌گه‌ر نه هه‌می هێز بئ ئێك و دوو به‌شدارن د كارێن ره‌شێن ڤان كه‌سان دا , ئازادكرنا تارق العه‌زاوی ئه‌و فروكه‌ڤانێ پێنج هزار كورد ل هه‌له‌پچه كێماباران كرین لێ پشتی كه‌تنا به‌غداد ل ٢٠٠٣ هاتیه ده‌سته‌سه‌ركرن ژلایێ هێزێن یه‌كێتی نیشتیمانی كوردستان و پشترا هاتیه ره‌وانه‌كرن بو ئه‌وروپا ل شوینا سزا بده‌ن هاتیه خه‌لاتكرن و دبه‌رامبه‌ر دا مسته‌فا سه‌لیم ب گونه‌ها كوردبونێ هاته ره‌وانه‌كرن بو به‌نكێ سێداره‌دانێ ل ئیرانا خوینمێژ ماده‌م ل ڤێ ده‌ڤه‌رێ سیاسه‌ت ب كردار و په‌رچه‌كردار دهێته كرن دیتنا من باشترین په‌رچه‌كردار پارتیدیموكراتی كوردستان كربا پێتڤی بو مه‌لا كرێكار زڤراندبا هه‌رێما كوردستانێ و ئه‌گه‌ر ئازاد نه‌كربا ل هه‌رێمێ دادگه‌ها وی هاتباكرن ب سسزا یان بێ سسزا هه‌رێمێ ژیانا خو ده‌ربازكربا ژبه‌ركو مه‌لا كرێكار كورده و ژ جوتكێ ڤان هه‌ڤسه‌رۆكان گه‌له‌ك ب وه‌فاتره بو دین و ره‌وشت و نه‌ته‌وا كورد , بڤان كریاران پێشڤه‌برن و دامه‌زراوه‌كرنا ده‌زگه‌ه وده‌سه‌لاتا هه‌رێمێ هزار خالێن سه‌رسورمانێ لسه‌ر دهێنه دانان یان دوو ئیداره‌ی یا راست و درست یان خیانه‌تكرن وپاشڤه زڤرینا ده‌ستهه‌ڵاتا كوردی و خه‌ساندنا قه‌زیا ملله‌تێ كۆرد .
