گەنج پێکھاتیە ژ وێ تەخ و چینێ کو مەزنترین وزەیا کۆمەلگەھێ ب خۆڤە گرتیە, ھەروەسا تەخا گەنجان خودان گۆرانکاری و پەیرەوکەرێن سەردەمیکرن و پێشڤەبرنا وەلاتی نە کو ھەردەم ب داھاتوو و چینا دەولەمەندا وەلاتی د ھێنە ھەژمارتن. چونکە سەرمایەیێ وەلاتی بەندە ب گرێدانا شیان و ھێزا گەنجان ڤە و ئەو وەلاتێن بەرەڤ پێش و پێشکەفتی ھێزا خۆە ل سەر گەنجان بنیات دانایە. گەنج وەکو پێکھاتەیەکێ سەرەکی یێ کۆمەلگەھا رۆلەکێ دیار ھەیە ل تێکۆشین و شورەشێن گەلان دا, زۆربەیا دەم و چالاکبوونا گەل و نەتەوەیان یان جڤاکەکێ ب ئەکتیف و چالاکبوونا گەنجان کاریگەری ل سەر وان نەتەوە و جڤاکێن پێشکەفتی دروست کریە.
پارتی دیمۆکراتی کوردستان ئەو پارتا ل سەر دەستێ بابێ رۆحیێ نەتەوا کورد و سەرکێشێ بزاڤا رزگاریخوازیا مللەتێ کورد ھاتیە دامەزراندن کو تا نھۆ د تەمەنێ ٧٣ێ سالیدا ھەرتم وەکو گەنجەک مایە, پارتی ل پێش دامەزراندنا خۆە بیر ل کاریگەری و رۆلێ گەنج و لاوان دا کریە مینا خەباتا مەدەنی, شورەشێن رزگاری و دەستڤەئینانا مافێ چارەنڤێس, لڤاندنا پێنووسێ زانست و زانینێ ب ھەڤگرتن و مل ب ملێ تڤەنگ و خەباتا چیایی, پێشڤەبرنا کۆمەلگەھێ کوردستانێ. ژ بۆ ھندێ ژی ل ٢٦ی کانوونا دووێ سالا ١٩٥٣ێ ل کۆنگرەیێ سیێ پارتی دا ل کەرکووکا دلێ کوردستانێ و ل وی کاودان و خواستا مێژووی کو ل ژێر راسپاردە و رێنمایێن بارزانیی نەمر, بریارا دامەزراندنا رێکخراوێن جەماوەری دا کو رێکخراوێن (قوتابی و ئافرەت و لاوان) کو ھێز و شیان و رۆلێ خۆە بگێرن د کارێ رێکخراوەی و پیشەی دا. ھەلبەت ئەڤە ئێک ژ پێنگاڤ و ئارمانج و ستراتیژیەتێن پارتی بوویە بۆ تەخا گەنجان کو گەنج و لاو ب ھێزا داینەموویا خورتکرنا جڤاک و وەلاتی داییە زانین.
د پرۆگرام و پەیرەوکرنا حکومەتێ دا کو دەما نێچیرڤان بارزانی سەرۆکێ حکومەتا ھەرێما کوردستانێ و ئەو سەرکردەیی لێھاتوو و ئەزمووندارێ حکومەت و دەستھەلاتداریی, تەمامەن سترتیژی و پرەنسیپێن پارتی جێبەجێکرینە و وەکو قۆناغەکا پێدڤی و گرنگ د کۆمەلگەھێ کوردستانێ. ئەگەر باس د ماوێ وەرگرتنا چەمکێ حکومەتێ دا بکەین ژ لایێ نێچیرڤان بارزانی کو ھەردەم رۆل و شیان و سەربورا گەنج و لاوان ب کاریگەریەکا مەزن ھەژمارتیە د پێشڤەبرنا حکومەتێ دا میناک, ڤەکرنا بنگەە و سەنتەرێن رەوشەنبیری, کو بیتە سازیەک بوو خەباتا مەدەنی و دیموکراسی و پشتەڤانیکرن ل پرۆژە و داھێنانێن گەنجان. بەرپاکرنا بھایێن بزاڤا وەرزشی دناڤ کۆمەلگەھێ دا بێ ھیچ جیاوازیا تەمەن و رەگەز ئایینی , ب ھێزکرنا بیاڤێ ھونەر و وەرزشی کو ھەرێما کوردستانێ خودانا ٨٨ یانەیێن وەرزشی یە کو ھەر یانەکێ یاریگەھێن وەرزشی بوو ھاتینە دروستکرن, کو ٤ یاریگەھێن ناڤدەولەتی یێن فۆتبۆلێ ل ھەرێمێ ھەنە و گرنگیەکا تایبەت یا ماددی و معنەوی ل یانەیێت وەرزشی دھێتەکرن و قارەمانی ل سەر ئاستێن جودا دھێنە ئەنجامدان. پشتەڤانیکرن ل ھەول و بزاڤێن رێکخراوێن جەماوەری و پیشەی کو سەندیکا, ئێکەتی, کۆمەلە, رێکخراو, بنکە, سەنتەر و یانە. ب وێ ئارمانج و مەرەما پەیرەوکرنا پرەنسیپێن دیموکراسی و جیھانگیری, رێڤەبرنا کارێ رێکخراوەی و سەرکردایەتی کرنا کۆمەلگەھێ, دروستکرنا پەیوەندی و ب ھەڤرا کارکرن دگەل رێکخراوێن بیانی, رێزگرتن ل مافێن مرۆڤی و خەباتا مەدەنی یا سەردەمی و پێشکەفتی. ئەگەر د ھووربینی و ھەلسەنگاندنەکێ بکەین ب ژیری تەماشەی ئارمانج و پیتەدانا نێچیرڤان بارزانی بکەین ب تەخا گەنج و لاوان ئەو یەک ئاشکەرا دبیت و ئاماژەیە بوو نڤشێ نوو و تازە, کو نێچیرڤان بارزانی خواستی یە ب دانانا پرۆگرام و پلانێن پەرەسەندوو و سەردەمیانە زێدەتر گەنج بھێنە پێگەھاندن و ئاڤاکرن بۆ گەشەپێدانا شیانێن گەنجان, رەخساندنا دەلیڤە و دەرفەت بوو گەنجێن خودان شیان داکو پلە و پۆستێن سەرکردایەتی دناڤ ناڤەندێن حکومەتێ و حزبی دا وەربگرن. نێچیرڤان بارزانی ئەو سەرکردە بوویە کو شیایە دیڤچوونەکا بەردەوام یا کێشێن گەنجان بکەت وەک بێکاری, خانووبەر, ئاستێ ژین و ژیارا گەنجان ب رێکا ڤەکۆلین و توێژێن زانستی و کارکرن بۆ چارەسەرکرنا ڤان پرس و کێشەیان. لەورا سەرۆک نێچیرڤان بارزانی کو نھۆ سەرۆکێ ھەرێما کوردستانێ یە پر ب ئومێدین ژ رۆل و پێگەھێ وی کو خازیارین وەک ھەمیشە پشتەڤانی ل بەھرە و داھێنانێن گەنج و لاوان بھێتەکرن.