سامانێ گه‌شت و گۆزارێ و بایه‌خا سه‌رۆكێ هه‌رێمێ
رێژین نھێلی
ژ به‌ر كو هه‌رده‌م دوژمنێن كورد و كوردستانێ ب ڤه‌شارتی یان ئاشكرا هه‌ولێن تێكدانا هه‌رێما كوردستانێ و سه‌ربۆرا وێ داینه، ب هه‌می رێكه‌كێ نه‌هێلن ئه‌ڤ ئه‌زمۆنه بسه‌رنه‌كه‌ڤیت، دا به‌رژه‌وه‌ندیێن وان تێك نه‌چن، ژ وان لایه‌نێن هه‌نێ ژی یێن نه‌شییاین ب ئاشكرایی ڤه هه‌ڤدژیا هه‌رێمێ و سه‌رانێن وێ بكه‌ن ، یێن كو نه‌شیاینێ ب هه‌ر شێوازه‌كی، چونكو نه ل وی ئاستی بووینه یێن سه‌ركردێن هه‌رێمێ ژ قۆربانیدان و خه‌باتێ و شاهره‌زاهیا دپیلۆماسی، مینا جه‌نابێ سه‌رۆك و مه‌رجه‌عێ كوردان مسعود بارزانی و هه‌ر وه‌سا دیپلۆماتكارێ زانا و پلاندارێژ سه‌رۆك نێچیرڤان بارزانی و هه‌موو پلانێن وی یێن سه‌ركه‌فتن ب ده‌ستڤه ئینایین ، ئێدی نه‌راسته‌وخوه ئاسته‌نگ ددانان ل پێشیا حوكمه‌تا هه‌رێمێ و سه‌رۆكاتیا وێ، مینا گیرۆكرن و خوه‌تێنه‌گه‌هاندنا بڕگه‌یێن دستووری و ب تایبه‌ت ماددێ 140 و یێن گرێدای ئاڤه‌دانیكرنا هه‌رێمێ، له‌ورا گه‌له‌ك زیانێن ب ڤی ره‌نگی ل هه‌رێمێ دان، ئێك ژ وان ژی بیاڤێ گه‌شتوگوزاری بوویه، ئێك ژ وان پیلانێن دوژمنان ئه‌و بوو ژ باله‌كێ دی ڤه، كو به‌رێ چه‌كدارێن په‌كه‌كێ بده‌نه ده‌ڤه‌رێن گه‌شتیاریێ و یێن سروشتی، ب ره‌نگه‌كێ نه‌راسته‌وخوه، به‌لێ ب سیاسه‌تا ئارام و ئاشتیانه یا جه‌نابێ نیچیرڤان بارزانی گه‌له‌ك پێنگاڤێن ئه‌كتیڤ هاتنه هاڤێتن، و ململانێن سیاسی د ڤی كه‌رتی دا لاداینه ئێك ژ داخۆیانیێن وی دبێژیت كو دێ گه‌شت و گۆزاریێ كه‌ینه ژێده‌رێ داهاتێ وه‌لاتێ مه، كو دێ رێژه‌كا باش ژ داهاتی زێده‌بیت و ئابوورێ مه پێ هێته ڤه‌ژاندن ب ڤه‌كێشان ب ئینانا دراڤێ جۆره و جۆر و پتریا وی ژی ژ گه‌شتیارێن عه‌ره‌بێن عیراقێ، گه‌ر گه‌ریانه‌كێ ل باژارێن هه‌رێمێ بكه‌ین، دی بینن كو باژارێن مه یێن هه‌رێمێ دپڕن، و ئۆتێل و مۆتێل و خوه مال ژی دپڕن ژ گه‌شتیاران، هه‌می ژی كه‌تیه لڤینا كاری سازیێن گه‌شت و گوزاری ژ ریستۆرانت و ته‌زیاتی و یاریگه‌ه و پارك و مۆل و ماركێت و .. هتد. چونكو بۆ گه‌شتارێن عیراقێ جهه‌كێ ئارامه چو مه‌ترسی نینن مینا باژارێن دی یێن عیراقێ و دووره ژ گه‌رما ده‌شتێ و بیابانان و تۆزا هاڤینێ، ئه‌ڤ ب خۆ ژی بۆ مه كوردستانیان ده‌ستكه‌فته‌كه، ژبلی پاكی و رێكوپیكیا جاده و باخچه‌یان و خوه بۆ وان ب خوه ژی هه‌م ئه‌رزانتره بچنه وه‌لاته‌كێ دی، هه‌م ژی ساناهی هاتنه ژۆر بێی ڤیزه و رۆتینێن ئالۆز. دیسان ژی د بزاڤه‌كا دی دا ژ ڤی جۆری دو گه‌رێن فه‌ستیڤالا خوه‌خشاندنا ل سه‌ر به‌فرێ ل چیایێ كۆره‌ك هاتینه ئه‌نجامدان، دیسا ژی پێنچ گه‌رێن فه‌ستیڤالا خوه خشاندنا سه‌ر به‌فرێ ل چۆمان، یا دیتر ژی پێشانگه‌هه‌كا گه‌شتیاری ناڤده‌وله‌تی ل هه‌ولێرێ هژماره‌كا زۆر یا گوندێن گه‌شتیاری، وه‌كو داتایێن پێشچاڤن هه‌موو دبینن و دزانن كو ژ هه‌ول و رۆلێ سه‌رۆكێ هه‌رێمێ و یێ حوكمه‌تێ یێ كابینه‌یا بۆری نێچیرڤان بارزانی نه، گه‌ر ده‌لیڤه خۆش ببیت كو شوونه‌وارێن قه‌یرانا داریی بژاله ببن، ئێدی دێ كار پتر ل سه‌ر هێته‌كرن ژبلی یێ هاتیه كرن و پاشه‌رۆژ دێ پتر گه‌شێ ب ڤی كه‌رتی ده‌تو داهاته‌كێ یه‌كه به‌ره به‌ره ل سه‌ر داهاتێ هه‌رێمێ زێده بیت، و دێ بلندبوونا رێژه‌یا دراڤی پێشچاڤتر بیت ل ناڤا بازارێن مه دا.
