سەد سالا بەرى نهو رێكەفتنا سايكس بيكو هاتبو ئيمزاكرن كو ئێك ژ بڕگێت وێ دابەش بوونا مەزنترين دەولەتا كوردى بو بۆ چوار پارچا راستيەكا حاشاهەلنەگره كوردستانا باكوور ل توركيا كوردستانا رۆژهەلات ل ئێرانێ و كوردستانا رۆژ ئاڤا ل سوريا و كوردستانا باشوور ل كۆمارا عێراقێ يه هەر ئێك دچارچوڤێ دەولەتێ دا سياسەتا خو دكەتن تاكه پارچه كو بوويه هەرێمەكا سەربەخۆ باشوور بوو ل عێراقێ ئەوژى ب سياسەتا سەرۆك مەسعود بارزانى و نێچيرڤان بارزانى سەرۆكێ هەرێما كوردستانێ و مسرور بارزانى سەرۆكێ حكومەتا هەرێما كوردستانێ يه، هەرێمەكه خودان ياسا و پەرلەمان و حكومەته . خوەزييا هەر تاكەكێ كورده هەرسێ پارچێن مايی ژى ببنه هەرێم و دەولەتا سەربەخۆ هەبيتن لێ چاوا ؟
سياسەتا راست و دروست دير ژ كارێن تێكدەرانه و تيرۆرى رەگەزپەرستى هەرێما كوردستانێ ب خوينا هزارەها شەهيدا و گەنج و رولێن كورد ب دەهان شورەش و داستانا هەر ل سەر دەمێ مەلك فيصل و عەبدولكەريم قاسم هەتا سەدامێ دكتاتور خەباتەكا ب وەجان و بەردەوام هاتە کرن. هەتا شيای ئەڤرو ب دەست خوڤه بینیت ، ل رۆژهەلاتا ناڤەراست ب گشتى و ب تايبەتى ل عێراق و سوريا و توركيا و ئێرانێ بارودوخەكێ هەستيار و ناسك ب رێڤەیە، هەرێم ژى بێ بار نەبويه ژ ڤان بارودوخان. نويترين نەخوشی شەرێ داعشێ يێ چەپەل بوو لێ ئالیێ دی يێ خرابکرنا رەوشا ئێمناهیا هەرێمێ حزبا پەكەكێ يه حزبەكا چەكدار و بێ پاشەرۆژ ياگرێدايه سياسەتا رۆژانه ڤه ب سعەتا سياسەتاوێ دهێتە گهۆرین و هیچ ستراتیژیەک د ناڤدا ناهێتە دیتن، نها ژی داردەستێ دەولەتێن جيرانایە و بوويه سترى بۆ هەرێمامه . نها کو دبینین بۆ چەندین سالانە هاتيه ناڤا هەرێما کوردستانێ بێ كو چ ئارمانج هەبن خرابی زێدەتر
رۆژانه تۆپبارانا دەولەتا توركيا ل سنورێن مه ب مەرەما هەبوونا چەکدارێن پەكەكێ يه هاوولاتی شەهيد دبن مال و مولك ئاڤەدان نابن گوند چول دبن بۆ نمونه تنێ ل دەڤەرداریا ئامێدیێ 366 گوند يێت هەيین 100 گوند تنێ ئاڤەدانن ، سياسەتا پەكەكێ و ئاخا پەكەكێ نه ل هەرێما کوردستانێ یە، بەلكو ل باكوره. باژێرێن باكوور بلا رزگاربكەن ئامەد، دياربەكر و...هتد.
نێچيرڤان بارزانى سەرۆکێ بەرێ حکومەتا هەرێمێ و سەرۆکێ نها یێ هەرێمێ زورجاران ناڤ بژيڤانى ناڤبەرا توركيا و پەكەكێ دا كريه و ئاگربەست راگەهانديه. هەروەسا د نووترين پێشهاتدا مەسرور بارزانى ئاماژه ب هيوركرنا بارودوخێ سياسەتا پەكەكێ و توركيا كريه ، ئەڤا پەكەكه دكەتن يا دروست نينه شينا ئالوزيێ بۆ هەرێمێ چێكەتن و مينيته شنگالێ و دەڤەرێن فەقەتيای بلا بچن كوردستانا باكوور ئازادبكەن هەرێمێ رێساوياسا و پێشمەرگەهێ خويێ هەی خودان ئارمانجه .ج تشت ب شەرى ناچنه سەر.بەلکو ب دانوستاندن و گفتوگو ل سەر مێزێ دێ گەهيه هەمى ئارمانجێن خو .زیانێن شەری پتره ژ باشيێن وێ ل سنورێن هەرێمێ هاوولاتى نەشێت كشتوكالی بكەتن دەخل و دەرامەتێ خو ئاڤەدان كەتن ژ بەر توپبارانا دەولەتا توركيا هەلبەت نه ئامادەبوونا پەكەكێ ل كوردستانێ چ هێجەت نامينن توركيا توپبارانا هەرێمێ بكەتن هەتا نهو بس هاولاتيێن ئاسايى ٦٧ كەس شەهيد بووينه .هيڤيدارين دڤی بارودوخى هەستيار دا هەمى حزب و لايەنێن سياسی ببنه ئێك دەست بچيكترين خەلەتى مەزنترين دەست كەفته بو دوژمنێ مه . دوژمنێن مه دزورن تنێ ئێك گرتن و ئێك رێزى و ئێك گوتارا سياسی دێ بنه پالنەر بۆ گەهشتنا هەر ئارمانجەكێ.