پیتەپێدان ب حزب، ب تایبەت پارتی دیموکراتی کوردستان ئێک ژ کارێن گرنگن، خەلکێ پارێزگەھا دھوکێ بویە و ھەردەم کەسانێن پارتی ل ڤێ دەڤەرێ پتری ھەر دەڤەرەکێ بوینە و خەبات کرینە و قوربانی دایە ل پێناو ئازادیا ھەرێما کوردستانێ، کو بشێن د روژەکێ وەکو ئەڤروکە دا، ژیارا خەلکێ کوردستانێ خوش بیت. ئارمانجا وان یا سەرەکی سەربلندی یا پارتی دیموکراتی کوردستان بویە و ھەروەسا ژێرخانا ئابووری بھێز بیت و ئاریشە بھێنە چارەسەر کرن.
گەلەک رویدانێن نەخوش و تال بو گەلێ کورد دروست بوینە، و چو جاران ئارامی نەبویە و ھەمی دەمێ پیر و گەنج ل ناڤ شەران دا، بوینە قوربانی و شەھید کرن ھەروەسا بو حەواندن و پاراستن و پێشکێشکرنا خزمەتگوزاریان بو ئاوارە و پەنابەران چ پێدڤی بیت، کرینە و ھەر لسەر ئەو رەوشتەی پاک ژی بەردەوام بوینە و ھەر کەسەک فەقیر و زەنگین لدیف پێچێبونا خو ھاریکاریا وان ئاوارا کرینە، زوربەی وان ل مالێ خوارن چێکرینە و بو وان ئاوارا ھنارتینە بیێ ھندێ کو ھزر ل رەگەزێ کر بیت و وەک مروڤایەتی بەرێ خو کریە وێ چەندێ کورد و عەرەب بو وان چ جیاوازی نەبوینە و بەردەوام بون ل ھاریکاری کرنێ و کەلتورێ پێکڤە ژیان بو وان دروشمەکێ نوی نەبویە و ب تایبەت وان سالانە ھاوولاتیێن دھوکێ، پارتی بونا خو و نێشتیمانپەروەریا خو بو ھەمیا سەلماندیە و ب تایبەت ل ھەلبژاردنان زورترین دەنگ بدەست خوڤە ئینایە، و شیاینە گەلەک دەنگا بو پارتی دیموکراتی کوردستان بدەست خوڤە بینیت و ھەروەسا زورترین ھەژار ل پارێزگەھا دھوکێ نێھشتەجی بوینە
سەرەرای ڤێ چەندێ ھەمیێ خەلکێ دھوکێ گەلەک ئاریشە ھەبوینە و تەزحیە ژی داینە کێمیا کارەبێ ب تایبەت ل ڤێ ھاڤینا گەرم کو ل دھوکێ ھەی و ھەروەسا بلندبونا بھایێ ئەمپێرێ و بھایێ بەنزینێ ل ھەمی پارێزگەھێن دی گرانترە.
لێ ل روژا ٣- ٧- ٢٠١٩ فراکسیونا پارتی ل پەرلەمانێ کوردستانێ راگەھاندنەک ل دور کێشەیێن پارێزگەھا دھوکێ بەلاڤ کر و راگەھاند کو نێچیرڤان بارزانی سەروکێ ھەرێمێ بریار دایە، کار ل سەر ھەموو کێشەیێن پارێزگەھا دھوکێ بھێتە کرن.
کێشەیێن یێن گرێدایی ب کێمیا کارەبایێ و بلندبونا بھایێ ئەمپێرێ د دڤێ دەربارێ ژی دا، وان نامەیەک ئاراستەیی سەروکێ ھەرێمێ کریە و سەروکێ ھەرێمێ بێ گیروبون بەرسڤا نامەیا فراکسیونێ دایە و بریار دایە ل گەل ئالیێن پەیوەندیدار ب رژدی ل سەر چارەکرنا کێشەیێن پارێزگەھا دھوکێ کار بکەن
سەروکێ ھەرێمێ ھەمی دەمێ ھەول ددەت ئاریشێن خەلکی چارەسەر بکەت و ھەمی دەمی گوی ل پێشنیار و رەخنە و گلە و گازێندەیێن خەلکی دگریت ھەتا کو وان ئاریشا ئێک ب ئێک چارەسەر بکەت.