ئەگەر ئەم خاندنەکێ بکەین بۆ کابینەیا نەهێ ، کو گرنگیەکا زۆر د وارێن جودا جودا دا هاتنە دان، ئەڤە ژی نە تنێ کەرتەکێ بوویە و دەڤەرەک بوویە بەڵکو پڕانیا دەڤـــەران بوویە بێ جوداهی و کو ب خودان زانیە و هـــەردەم ژی دڤییا یە کو هەر ڕۆژ ل دەڤەرەکا جودا مەزنترین پڕۆژە کو د ئاستێ خواستا خەلکی دا بیت بهێنە بجئینان .
ئەڤ کار و بارێن ئەم بەحس کەین یان ژی دەینە دیارەکرن نە هەموونە چونکی د گۆتارەکێدا هەمی ناهێتە بەحسکرن و مە ژی ب کورتی و پۆختی دایە کرە کرن .

دیسا ژی د ڤێ کابینێ دا ژبلی کارو باران کو خزمەتگۆزاریان بێژین وی ئەو جدی و سیستەمەک ڕێک و پێک یێ دەوامێ ژی ڕێکخستیە و ئەو خۆشیەک ژی دەڤ خەلکی پەیدا کریە . هەروەها وی دایە ئەشکران کرن کو ئەو ڕۆتینی یا فەرمانگەهان دا هەبیت ژی نەمین یان ژی تا ڕادەکێ کێمتر کریە .

تشتێ خۆشتر ئەوە کو زێدەتر کاروبارێن خەلکی یێن کارگێری کرینە ب شێوازێ ئەلکترۆنی و هەتا هندەک ب هەیڤان کرینە دەمژمیرەک و کێمتر ژی وەک نموونە موولەتا شۆفێری یان پاسۆرت و چەندین کارین دیتر کرینە ب شێوازێ ئەلکترۆنی.
ژ رویێ خزمەتگوزاریان ڤە کو ل زاخۆ تا هەڵبجە بێ جوداهی پڕۆژێن هەرە مەزن و مفادا ل دەڤەرێن جودا دا هاتینە ڤەکرن و کەتینە خزمەتا خەلکی دا .
د ڤێ کابینێ دا ژی دژایەتییا وی هاتیە کرن و دهێتە کرن ژی بەلێ ئەڤە نابێتە ئیهانەکرن بۆ هندێ کو دەست بەردەت ژ پڕۆژان و بەردەوامە ل سەر خزمەتکرنا خەلکێ کوردستانێ ژ ڕویێ ئابووری و پەروەردە و گەشت و گوزاری و چاندنێ .
ژبلی چەندەها دەلیفین کاری و دروستکرنا بەنداڤێن مەزن و پڕ مفا بۆ خەلکی .
ئەگەر ئەم ئاماژەیەکێ بدەین وان خزمەتێن هاتینە ئەنجام دان کو دروستکرنا چەند یاریگەهێن وەرزشی و دیسا ژی هنارتنا بەرهەمێ خۆمالی بۆ دەرڤەیی وەلاتی و کەرتێ ساخلەمیێ ژی کەمتەرخەم نەبوویە و دگەل ئاڤەدانیێ و ڕێک و پڕان ژی تا نوکە ژی بەردەوامە و هاتنا هژمارەکا زۆر یا گەشتیاران بۆ جهێن شینەواری و گەشتیاری .
سەرەڕایێ وان هەموو ئاستەنگ و قەیرانێن د کەڤنە بەر کار و پلانا وی یا حکومەتی ژی بەلێ د وارێ قەدەغــــەکرنا مادەیێن هشبـــەر و کارێن دیتر یێن ئەلکترۆنی کو تا ڕادەکێ هاتنە سنووڕدارکرن.
مسرور بارزانی، هەر ژ دەست ب کاربوونا وی تا نوکە شەڤ و ڕۆژ دکەتە ئێک ژ بووی خزمەتا زیدەتر بۆ وەلاتییان و دیسا ژی دگەل سەرەدانێن چەندین وەلاتێن بیانی و زڵهێز بۆ دەستڤەئینان دەرئەنجامێن باش و مفا بۆ هەرێما کوردستانی.
ئەگەر تیشک بێخینە سەر هاتنا وان شەپۆلین بهێز یێن بانرانێ کو بووینە سەدەمێ لافاو و زیان ب خەلکی کەتی وەک گیان و ماددی ژی هاتینە قەرەبوکرن و هەردەم وی دڤییایە کارێن نایاب بهێنە ئەنجام دان .
د بەردەوامیا دیدارێن خۆ دا ، مسرور بارزانی، سەرۆکێ حکومەتا هەرێما کوردستانێ، دایە ئاشکراکرن، کو هاتنا پەکەکێ بۆ سنوورێن دەڤەرێ بوویە ئێک ژ ئاستەنگێن ژیانا خەلکی و نە بجهئینانا وان پڕۆژان ل دەڤەرێن تێدا شەڕ دکەن و دبنە ڕێگیر ، بەلێ وەک حکومەت ژ وان دەڤەران ژی هەر نە ڕاوەستانە و د بەردەوامن د کاروانێ ئاڤـــەدانیێ دا .

ئەڤــــە ژی نیشانێ هندێ یە کو دیار دبیت ژ خەمخۆریا وی و تیما وی یا ڕێڤەبرنا کارانە د کابینا وی دا ، وەک گروپەکێ سەرەکی و سەرکەفتی دهێنە قەلەم دان و بووینە جهێ متمانا خەلکی و جەماوەری ل گورەی ئاستێ ڕازیبوونا خەلکی .

کوردستان هەر ئاڤە دان بیت .