بــــۆچــــی كــــورد .......!
بێوارحسێن زێباری
ئه‌گه‌ر خاندنه‌كێ بۆ نه‌ته‌وان بكه‌ین كو پتریا وان ل جیهانێ دنوكه دا خودان ده‌وله‌تن، بۆچی...! كورد، تانوكه بوویه‌خودان ده‌وله‌ته‌كا سه‌ربخۆ و دیسان ئه‌گه‌ر خاندنێ زێده‌تر بۆ بهێته كرن، وه‌ك نه‌ته‌وه، كه‌واته ئه‌م خودان نه‌ته‌وێ زێڕینن و هه‌روه‌ها ژی مه ئالا و ئاخا خۆ هه‌یه، به‌لێ هند وه‌لاتێن جیران و دیسان یێن خودان ده‌ستهه‌ڵات ناهێلن ئه‌م ببین خودان مافێن خۆ یێن ڕه‌وا و ببین ده‌وله‌ته‌ك سه‌ربخۆ.
لێره‌دا دهێته دیتن و بیهستن، زۆر جاران چ پشكێن كورد تێدا دژین چ(باشوور،باكوور،ڕۆژهه‌ڵات و ڕۆژئاڤا) یان ژی هه‌ر جهه‌ك دیتر ژی دبینین كو هه‌یا نها وه‌كی ئاستێ پێدڤی ژبلی هه‌بوونا پشكا باشووری یا زه‌نگینه ب هه‌بوونا زمانێ خۆ یێ دایكێ، ئه‌و ژی ب هه‌وڵ و بزاڤێن زێده و به‌رهه‌مێ شۆڕه‌شان بوویه ئه‌گه‌رێ هندێ كو بییت خودان زمانه‌ك كوردی و هه‌بوونا جلێن خۆ یێن ڕه‌سه‌ن و خودان كه‌لتوورێ خۆ یێ كوردی.
نه‌كو جهێن دیتر یێن كوردا نه‌ك زمان، به‌ڵكو تا ئاخفتن و خاندن و نڤیسن و كه‌لتوور ژی نه‌هێلایه وه‌كی ئاستێ خواستا وان بهێته بكارئینان یان ژی ببن خودان كه‌لتووره‌ك ڕه‌سه‌ن و هه‌رده‌م ژی لێ هاتییه قه‌ده‌غــــه‌كرن و نه‌هێلایه زارۆیێن وان ژی فێر ببن و ب گرنگ بزانن.
هه‌رده‌م ڤان ده‌وله‌تانه هه‌وڵ دایه كو هه‌بوونا كوردان و ئێكگرتنا وان یا لاواز و نه‌یا بهێز بیت بۆ هندێ ججاران نه‌بن خودان ده‌وله‌ته‌ك ژ شه‌ڕێ جیهانێ ئێكێ و تا نوكه زۆریا وه‌لات و نه‌ته‌وان وه‌نه‌كریه و بزاڤێن وان ژی د ئاستێ خواستا خه‌لكێ مه دانه‌بوویه و بووینه ڕێگر، زۆر جاران ب سه‌رپه‌شتیا مسعود بارزانی، سه‌رۆك و ڕێبه‌رێ كوردان دهێته گازیكرن و دانان، وی به‌رده‌وام بزاڤكرینه بۆ هندێ خه‌لكێ مه ژی وه‌كی هه‌ر ئێكی دیتر ببیت خودان هه‌رێم و دیڤرا ده‌وله‌ته‌ك هه‌بیت و ئه‌و بۆ كو وی دڤییایه ده‌مێ ڕیفراندومێ ئه‌نجامبده‌ت زۆر لایه‌ن و كه‌سێن كورد بخۆ ل باشووری ژبلی پشكێن دیتر نه‌ڕازیبوونا خۆ دوپاتكر و گوتی، ئه‌ڤ چه‌نده نابیت بهێته ئه‌نجامدان و بهێته كرن.
به‌لێ خۆشبه‌ختانه كو ب ڕێژه‌یه‌كا زۆر شیا سه‌ركه‌فتنێ بده‌ستخۆ ڤه‌بینیت و چه‌ندین كار و به‌رنامه یێن دیتر ئه‌نجامداینه بۆ هندێ تنێ كورد ببن خودان نه‌ته‌وه‌یه‌ك و سه‌ربخۆ بژیت و لبن سێبه‌را ئالایێ خوو.
به‌لێ ئه‌گه‌ر بزڤڕینه‌ڤه بۆ سه‌رده‌مێ به‌رێ كو نه‌خشه هاتیه دانان و كار ل سه‌ر هاتییه كرن و هه‌تا نوكه وان ده‌وله‌تێن زلهێز و خودان كار به‌ده‌ست ژی وه‌ك نه‌ته‌وێ كورد مفادار نه‌بوویه، د وان كارسازیێن بۆ ده‌وله‌ت بوونێ هاتیه دانان، له‌ورا كورد بوونه قوربانی و هه‌تا نوكه ژی ئه‌و خواستا و ڤییانا وان دڤێت بگه‌هه‌نێ، به‌لێ هه‌ر ژ نه‌بیت جیران و دۆستێن كوردان بووینه دوژمن و نه‌یار و به‌رده‌وام ڕێگری ل گه‌ل و نه‌ته‌وێ كوردان هاتییه كرن و هه‌رده‌م ژی بووینه( قوربانی، ده‌ربه‌ده‌ر، كوشتن و ئه‌نفالكرن.....)، بۆچی تنێ ب سه‌ر گه‌لێ مه دهێت و بۆچی تنێ كورد دبنه قوربانی.
هه‌موو نه‌ته‌وه، دنوكه خودان ده‌وله‌ت و دناڤ ده‌وله‌تبوونا خوو دا دژین بۆ چی تنێ نه كوردان ئه‌ڤه چه‌نده نینه و بێ به‌هر بووینه.
دیسان ئه‌گه‌ر ئه‌ڤا سووریێ هاتیه ئه‌نجامدان ئه‌و دبیته ئه‌گه‌ره‌ك سه‌ره‌كی یان دێ بیته‌ڤ هێلا سفرێ جاره‌ك دی، دڤێت وان ژی مفایه‌ك ژ گۆتارا سه‌رۆك بارزانی، وه‌بگرن، نه‌كو ئه‌و ژی د به‌رهه‌ڤكرن و دووباره حكومه‌تا ده‌ڤه‌رێ بهێته دورستكرن، ئه‌و دێ زیانێن مه‌زن بینن و كوردێن توركیا ژی دڤێت باشووری و ده‌ڤه‌رێن دیتر بجهبێلن و قه‌ستا ده‌ڤه‌را خۆ بكه‌ن و زێده‌تر ل وێرێ ڕۆلێ خۆ بینن و دگه‌ل هه‌موو كوردان ل هه‌ر جهه‌كێ بن.
ئه‌ڤه ژی هه‌ر ل ده‌ستپێكا هه‌بوونا سیسته‌مه‌كی ڕێك و پێك هه‌بیت نموونه، په‌روه‌رده، دڤێت ژ هه‌ر ده‌ڤه‌ر و جهه‌كی بیت ئێكه‌م جار هه‌ستا نه‌ته‌وه‌ی و نیشتیمانی یان هه‌ر ئه‌گه‌ره‌ك دیتر ئه‌و رۆلێ خۆ یێ زانستی بینن بۆ هندێ ئه‌ڤ زارۆكه ل پاشه‌ڕۆژێ مفادار ببن و ببن خودان كه‌ساتیێن كورد په‌روه‌ر و خودان هه‌ڵویست بن ل سه‌ر مه‌سه‌ل و مه‌له‌فێن كوردان.
مفا وه‌رگرتن ژ ئه‌زموونا هه‌رێما كوردستانێ .....؟
هه‌رێما كوردستانێ بوویه جهه‌ك ئاران و ستراتیژی ده‌وله‌تێن جیهانی، ئه‌ڤه ژی د وارێ ئابووری و سه‌قامگیری و ئارامییا وان بوویه و هه‌روه‌سا هه‌رێما كوردستانێ نه‌بوویه پێگه‌هه‌ك بۆ چ ئالی و ئاماژه‌یێن تێكده‌ر ژی بۆ چ لایه‌یان به‌رهندێ دڤێت زێده‌تر سه‌ره‌دان و مفایی بخۆ لێ وه‌رگرن.
تشتێ گرنگتر بۆ هندێ كو دڤێت ئه‌م بزانین كو هه‌رێما كوردستانێ بوویه جهه‌كی ئارامی و پێگڤه ژیانێ و دیسان بوویه ئێك ژ نیشانێن ڕاستگویی و مامه‌له دگه‌ل ده‌وله‌ت و ده‌ڤه رو جیهانێ كریه، ئه‌ڤه بوویه ئێك ژ وان به‌ڵگێن هندێ زێده‌تر خه‌لك قه‌ستا كوردستانێ بكه‌ن.
*سه‌رنڤیسه‌ری ده‌زگه‌هێ میدیایی(زێ بادینان).
