بێ هزر د پرۆسەیا سیاسی و بەرچاڤ وەرگرتنا بارودۆخ و رەوشا هەرێمێ و باشترکرن و کاراکرنا ژیان و خۆشگوزەرانیا خەلکێ کوردستانێ تایبەت پشتی هەلبژارتنێن خۆلا پێنجێ یا پەرلەمانێ کوردستانێ ، ئەڤرۆ هندەک حزب ل پێناڤ و پێخەمەت بەرژەوەندیێن خۆ یێن تاکە کەسی و حزبی هەر تشتی دکەن کو هیچ مفا و باندۆرەکا ئەرینی د بەرژەوەندیا خەلکێ هەرێمێ دا نینە ، ئەڤە ددەمەکێ دایە گەلێ کوردستانێ پشتی هەلبژارتنان چاڤەرێ کاراکرنا سازیا سەرۆکاتیا هەرێمێ بوون کو پەرلەمانی ب زۆربەیا دەنگێن لایەن و پێکهاتەیێن سیاسی دەنگ لسەر دا و سەرۆکێ نوو یێ هەرێمێ هەلبژارت و دەست بکاربوو ، دوڤدا پارتی دەست ب راسپاردن و پێنگاڤێن بنیات دانانا حکومەتێ دەسپێکر ل گورەی پشک و وان کومبوون رێککەفتنێن سیاسی دناڤبەرا پارتی و لایەنێن دی یێن کو بەژدار د حکومەتێ دا. کو مەسروور بارزانی وێ سەرۆکاتیا وێ بکەت و چاڤەرێ بهێزترین کابینەیا حکومەتێ نە ب سەرۆکاتیا وی ، لەورا ئیدی خەلک چاڤەرێ مژدێن شادی و سەرکەفتن ، ل هەڤهاتنا لایەنێن سیاسی یە ب تایبەت کابینەیا نەهێ یا حکومەتێ کو گەهشتی یە قۆناغا داویێ و ژیان و خۆشگوزەرانیا ئابوری ، کۆمەلایەتی ، سیاسی ، ناڤچەی و نیڤدەولەتی ، بەرەڤ ئاسویێن دانانا ژیان و چرایەکێ گەشێ باشتربوونێ کو ب هەمی دلنیایێ ڤە خەلک ل سەر کۆیا مژارێن گەرمێن ئەڤرۆ یێن بارودۆخێ هە نوکەیێ کوردستانێ چاڤەرێ کەسەکێ نەزان و بێ بەرپرسانە نەدکر ب زمانەکێ هەرەشە و گەف ل سەر ئێکگرتن و یەک دەستیا کوردستانیان ، سازانا نیشتمانی و سیاسی هەرەشە یان دکەت لسەر میدیایێ ، کو ئەڤ یەک چارەسەرا گرێین ئالۆز ناکەت ل هەمبەری ئالیان ، سەدەمەکە بۆ ئالۆزی و تێکدانا ئارامی و ئێمناهیا سیاسی و نەتەوەی و دژی ماف و بەرژەوەند خازیێن گەلێ کوردستانێ یە. لێ جهێ داخێ و سەرسورمانێ یە کەسێن مینا مەحموود سەنگاوی بێ ئەخلاقیانە و بێ زمان و نەزان د سەرکردایەتی و نافخۆەیا حزبا خۆە دا ل پێگەهێ سەرکردایەتی بیت و تەنانەت رەوشا نافخۆەیا سیاسی یا حزبی گەهشت بیت ڤی ئاوایێ و ئاستێ بێ ئێکگرتنێ و نەمانا ناڤەندەکا بریاردانێ دناڤا حزبێ دا ، نابیت کەسانێن مافیا و تالانچی و بێ بیر و هزرکرن ل بەرچاڤ وەرگرتنا خوست و مافێن خەلکی ئاماژە و زمانێ هەرەشێ بکاربینیت کو باس ل دوو ئیدارەیێ دکەت جهێ قەبۆلکرنێ نینە کو خەلک ناخوازن بنپێکاری و بێ رێزی ل قوربانیدان و خۆینا شەهیدان و ژین و ژیارا وان بهێت کرن. کو بیتە ئەگەرێ ئێک پارچەیا ئاخا کوردستانێ و دروستکرنا گرێیان بۆ کابینەیا داهاتی یا حکومەتێ ، چونکە حکومەتا بهێت خەلکێ هەرێمێ ب ئاسویێن گەش چاڤەرێ کاراکرنا وێ حکومەتێ نە ، هەژی گوتنێ یە بەحس بکەم شەنگستەیێن بھێز كرنا كوردستانێ پارتی د ده‌مێ حوكمرانیا خۆە دا بكردار سەلماندیە كو حزبەكا رێبەر و پێشەنگە د ئیدارە دان و رێڤەبرنا وەلاتی دا ب شارەزایانە و بەرپرسانە ب سیاسەتەك حەكیمانە كوردستان ژ قەیران و دابەشبونا قەوارێ سیاسیێ ھەرێما كوردستانێ پاراستیە. ل پێناڤی گەلێ کوردستانێ و ب سەرکێشی و رابەراتیا سەرۆک بارزانی ئامرازێ گەل و نیشتیمانێ مە هەموو رێیان بکاردئینیت کو هەر چیا د خزمەت و خواستا کوردستانیان دایە د هەمان دەمدا رێگر بوویە ل لایەن و کەسێن ئاست نزم کو هیچ رێکێ نادەت چ بەربەست و ئاریشە ل هەمبەر نهۆ و پاشەرۆژا خەلکێ کوردستانێ دروست بیت یان ئەوێن دخۆازن چارەنڤێسێ مللەتێ مە بەرەڤ نەمان و نە سەقامگیریا سیاسی بەن ، پارتی زەرەرمەندا ئێکێ بوویە کو پتر ژ هەر لایەنەکێ سیاسی قۆربانی داینە ، بۆ هندێ ئێکرێزی و ناڤمالا کوردی پاراستی بیت ل پێخەمەتی ژیان و مانا خەلکێ کوردستانێ و بەژداریا ئالیان تایبەت ل هەلبژارتنێن ڤێ دوماهیکێ پارتی بەشەک ژ مافێن خۆە ب لایەنێن دی دا ب هەموو چین و پێکهاتەیان ئەوێن دخوازن بەژدار بن دحکومەتێ دا ئەڤ چەندە بۆ هندێ چ ئاریشە دروست نەبن ، وەک هەردەم پارتی مێزا دانوستاندنێ ب بژاردەیا سەرەکی دگەل لایەنێن سیاسی هەلبژارد تاکو رێککەفتن د بەرژەوەندیا ئالیان بۆ گەهشتن ب سازان و ئیتیفاقێ ئیمزاکر ، داکو ئەڤ دەستکەفتێن بهادارێن ئەڤرۆ یێن خەلکێ کوردستانێ کو ب درێژیا دیرۆکێ قوربانی و خوین بۆ دایێ بهێن پاراستن ، تەنانەت پارتی دشیا هەر تشتی ب یاسایێ دەرباز بکەت و دەمەک کێم دا حکومەتێ پێک بینیت بۆ هندێ خەلک زێدەتر چاڤەرێ نەبیت بەلێ پارتی ئەو نەکر بەلکو هزر د هەماهەنگی ، هەڤپشکی و ب هەڤرا کارکرنێ کر کو هەر لایەک رۆلێ خۆە بینیت کو تنێ ئاراستەکرن و نەخشەرێیا دانانا هەماهەنگی و کارکرن ب ئێکگرتنا لایەنێن سیاسی بهێزداریە بۆ حکومەت و خەلکێ کوردستانێ دچوارچووڤێ سەقامگیریا سیاسی ، گەشەساندنا پاشەرۆژ ، ژیان خۆشیا گەلێ کوردستانێ. ژبەرهندێ دڤێت خوراگری و هیمەتا خەلک بەرچاڤ بهێت وەرگرتن ، پەرەپێدانا دەستکەفت ئیستیحقاقە نەتەوەی ، سیاسی و ئابوری کو ب خەباتەکا پر سەروەریا مێژووی دەستڤە هاتینە بهێن راگرتن و پاراستن ، ب شێوەک ئاشتیانە کەلتۆرێ دیالۆک و لێبورین د رێکخستنا مالا کوردی دا بەلاڤ بیت و داکوکیکرن ل ماف و خواستێن خەلکێ هەرێمێ بهێت کرن.